- 📅 4 ივლისი | ⌚ 22:00 | ⚽ ლევერკუზენი V ბაიერნი
- ფინალს 18 000-ზე ნაკლები მაყურებელი არასდროს დასწრებია
- ბაიერნი ფავორიტია, მაგრამ ლევერკუზენი ძალიან მოტივირებულია
- ყველაფერი, რაც ამ მატჩის წინ უნდა ვიცოდეთ
- საინტერესო სტატისტიკური ფაქტები ბევრ მინიშნებას მოგცემთ
კორონა-კრიზისში საფეხბურთო სეზონი ყველაზე ადრე გერმანიაში განახლდა და ყველაზე მალე გერმანიაში დასრულდება: ეს შაბათს, გერმანიის თასის ფინალით მოხდება, რომელიც, ტრადიციისამებრ, დედაქალაქ ბერლინში გაიმართება. ფინალში ერთმანეთს ჩემპიონი მიუნხენის ბაიერნი და ლევერკუზენი ხვდებიან.
ბავარიულ გრანდს შანსი აქვს, მეორე ტიტული მოიგოს და გადადგას ნაბიჯი დიდი ‘ტრიპლისკენ’ - მიუნხენში ჩემპიონთა ლიგის მოგებაზეც ოცნებობენ. ჰანსი ფლიკის გუნდი ფინალში აშკარა ფავორიტიცაა, თუმცა ლევერკუზენიც ძალიან მოტივირებულია და ყველამ იცის, რომ ამ გუნდს ყოველთვის შეუძლია ბაიერნის დამარცხება. მართალია, 6 მაისს ბაიერნმა ლევერკუზენი 4:2 დაამარცხა, მაგრამ მანამდე, ‘ფარმაცევტებს’ ბავარიელები ზედიზედ ორჯერ ჰყავდათ დამარცხებული. ლევერკუზენის განსაკუთრებული მოტივაციაა ისიც, რომ 1993 წლის შემდეგ პირველად მოიგოს ტიტული.
ეს გერმანიის თასის რიგით 77-ე ფინალია და პირველად არ დაესწრება მაყურებელი. ბერლინის ‘ოლიმპიაშტადიონზე’ ჯამში დაახლოებით 700 ადამიანი იქნება - სხვათა შორის, მათ შორის გერმანიის ნაკრების მთავარი მწვრთნელი იოახიმ ლიოვიც. აქამდე გერმანიის თასის ფინალს ყველაზე ცოტა მაყურებელი 1961 წელს ჰყავდა - მაშინ შალკეს სტადიონზე სტადიონზე გადამწყვეტ მატჩს 18 000 გულშემატკივარი დაესწრო (ვერდერი 2:0 კაიზერსლაუტერნი). თვით მეორე მსოფლიო ომის დროსაც კი, როცა 5 ფინალი ჩატარდა, მატჩს 45 000-ზე ნაკლები ფანი არ დასწრებია.
საინტერესო ფაქტები
⚽ ბაიერნს გერმანიის თასზე ბოლო 8 მატჩი მოგებული აქვს.
⚽ ლევერკუზენისა და ბაიერნის ბოლო 7 თამაშში (ყველა ტურნირზე) 2,5-ზე მეტი გოლი გავიდა.
⚽ ლევერკუზენმა გერმანიის თასზე ბოლო 5 თამაში მოიგო.
⚽ გერმანიის თასზე ბაიერნის ბოლო 10 მატჩიდან 9-ში 2,5-ზე მეტი გოლი გავიდა.
⚽ გერმანიის თასზე ბაიერნმა ბოლო 7 მატჩიდან 6-ში პირველი ტაიმიც მოიგო და თამაშიც.
⚽ ამ ტურნირზე ბაიერნს ბოლო 10-დან 9 თამაშში მინიმუმ 2 გოლი გაჰქონდა.
⚽ გერმანიის თასზე ლევერკუზენის ბოლო 7 მატჩიდან 6-ში 2,5-ზე მეტი გოლი გავიდა.
⚽ ლევერკუზენს ფინალამდე ბოლო 3 შეხვედრაში მინიმუმ 2 გოლი გაჰქონდა.
⚽ ლევერკუზენმა ბაიერნს ყველა ტურნირზე ბოლო 3 დუელში მინიმუმ 2-2 გოლი გაუტანა.
სავარაუდო შემადგენლობები
ლევერკუზენი (4-2-3-1): ჰრადეცკი - ლ. ბენდერი, ს. ბენდერი, ტაპსობა, სინკგრავენი - არანგისი, ბაუმგარტლინგერი - ჰავერტცი, დიაბი, ბაილი - ფოლანდი.
ტრავმა: პაულინიო, ბელარაბი
ბაიერნი (4-2-3-1): ნოიერი - პავარი, ბოატენგი, ალაბა, დევისი - კიმიხი, გორეტცკა - გნაბრი, მიულერი, კომანი - ლევანდოვკი.
ტრავმა: ზიულე, ტოლისო, ალკანტარა, ერნანდესი
კომენტარები