- Clan 13-ის ოფიციალური მაისურების შეძენა უკვე შეგიძლიათ
- მაისურები გუნდმა ქართველ დიზაინერთან ერთად შექმნა
Pubg-ის ქართულმა გუნდმა Clan 13, ფანები გაახარა: მათ გუნდის ოფიციალური მაისურები შექმნეს, რომელთა შეძენაც, გულშემატკივრებს, უკვე დღეიდან შეუძლიათ.
გუნდის ლიდერმა, შოთა მექვაბიძემ popsport-თან საუბარში განაცხადა, რომ მაისურების დიზაინერ ნიკოლასთან დიდი ხნის განმავლობაში მუშაობდნენ. დიზაინი ოფიციალურია და მასზე საავტორო უფლებები Clan 13-ს ეკუთვნის.
მაისურებზე კლან 13-ის ლოგოა გამოსახული, ხოლო ზურგზე დატანილი ნუმერაცია უნიკალურია, რაც მათ მეტ ინდივიდუალობას სძენს.
მაისურების შეძენა გუნდის ოფიციალურ ფეისბუქ გვერდზე შეგიძლიათ.
ქართული გუნდი 13-Red, Clan-13-ის წევრია. კლანში სულ სამი გუნდი (13-Red, 13-Blue და 13-Girls) ერთიანდება, თითოეულ გუნდში 5 მოთამაშით. კლანი ოფიციალურად 2019 წლის თებერვალში შეიქმნა. გამარჯვებული გუნდის ლიდერი შოთა მექვაბიძეა, გუნდის წევრები კი გიორგი ნაცვლიშვილი, ცოტნე ოქროპირიძე, ოთო ბასილაძე, გიორგი სილიგავა და ნიკა ქებაძე.
გუნდი PUBG-ის, მეორე წელია, ერთად თამაშობს. ისინი დიდი პოპულარობით სარგებლობენ და სხვადასხვა ქართულ თუ უცხოურ ტურნირებშიც მიუღიათ მონაწილეობა. თუმცა, ევროპის 10 საუკეთესო გუნდში მოხვედრა, ჯერჯერობით, მათი ყველაზე დიდი გამარჯვებაა.
კომენტარები