Thumbnail

ზედიზედ მე-4 მოგება UFC-ში! დვალიშვილმა გუსტავო ლოპესი დაამარცხა

  • მერაბ დვალიშვილმა UFC-ში მე-6 ბრძოლა გამართა
  • მისი მეტოქე 30 წლის ამერიკელი გუსტავო ლოპესი იყო

14 ივნისს, ლას ვეგასში UFC-ს მორიგი ღონისძიება გაიმართა. ქართველი გულშემატკივრების განსაკუთრებულ ინტერესს მერაბ დვალიშვილის ბრძოლა იწვევდა, რომელსაც რეი ბორგთან უნდა ეჩხუბა, თუმცა ბორგი პირადი მიზეზების გამო UFC-ს ამ ღონისძიებაში ვერ ჩაერთო და მის ნაცვლად ქართველი მებრძოლი 30 წლის გუსტავო ლოპესს დაუპირისპირდა.

📋 მეტი ამ თემაზე

დვალიშვილმა სამივე რაუნდი კარგად ჩაატარა და დამსახურებული გამარჯვება მოიპოვა. მან ამერიკელ მეტოქესთან 13 თეიქდაუნი შეასრულა, რითიც საკუთარი რეკორდი გააუმჯობესა. მსაჯების გადაწყვეტილებით, მერაბმა მეტოქეს ასეთი ანგარიშით სძლია - 30:25, 30:26, 30:26.

ქართველმა მებრძოლმა შონ ო'მალი გამოიწვია. მერაბმა ერთ-ერთ ინტერვიუში განაცხადა, რომ მისი ოცნება შონის დამარცხება და მსოფლიოს გაოცება იყო. დვალიშვილს UFC-ში უკვე 6 ბრძოლა დაუგროვდა, საიდანაც 4 მოიგო და 2 ბრძოლაში დამარცხდა.

კომენტარები

ბოლო ამბები