- დემონსტრაციაზე NBA-ს გრანდის 5 კალათბურთელი გამოჩნდა
- შესაბამისი ფოტოები სოციალურ ქსელში გავრცელდა
აშშ-ში არ წყდება საპროტესტო აქციები, რომლებიც მინეაპოლისში პოლიციელის მიერ შავკანიანი ჯორჯ ფლოიდის მკვლელობით არის გამოწვეული. მათში აქტიურად არიან ჩართულნი სპორტსმენებიც.
ამჯერად, ყურადღების ცენტრში გოლდენ სტეიტ უორიორსის კალათბურთელები მოექცნენ. დემონსტრაციაში მონაწილეობა სტეფ კარიმ, კლეი ტომპსონმა, კევონ ლუნიმ, ხუან ტოსკანო-ანდერსონმა და დემიონ ლიმ მიიღეს.
მოგვიანებით სოციალურ ქსელში გაჩნდა ფოტოები, სადაც ცალ მუხლზე მდგარი კარისა და ტომპსონი არიან ასახულნი. ცნობისთვის, ეს ჟესტი პოპულარული ამერიკელ სპორტსმენებში იყო 2016-17 წლებში, როდესაც ისინი ყურადღებას სამართალდამცველების მიერ რასისტული ხასიათის დარღვევებზე ამახვილებდნენ. პირველად ამგვარად ამერიკული ფეხბურთის მოთამაშე კოლინ კაპერნიკი მოიქცა, რომელიც ერთ-ერთი მატჩის წინ შესრულებული აშშ-ის ჰიმნის დროს ფეხზე არ წამოდგა.
📋 მეტი ამ თემაზე:
- 'აჯანყება ერთადერთი რეაქციაა' - სპორტული სამყარო ფლოიდის დაღუპვაზე
- 'პასუხები გვჭირდება' - აქციებზე NBA-ს ვარსკვლავთა რიცხვი მატულობს
- ტიურამის საპროტესტო ჟესტი - ცალ მუხლზე ჯორჯ ფლოიდის მოსაგონრად
- ამერიკაში მომხდარისადმი პროტესტი დორტმუნდის სანჩომაც გამოხატა
- 'მივედი და ჭკუა ვასწავლე' - ჯეი არ სმიტმა დემონსტრანტი სცემა
- 'რასიზმი ამერიკაში ჰაერშიც არის' - ჯორდანი და ჯაბარი პროტესტის მხარეზე
- 'ამ ნეხვს რა კავშირი აქვს ჯორჯ ფლოიდთან?' - UFC-ის ჩემპიონმა ვანდალები შეაჩერა
- 'ჩვენ ცხოველები არ ვართ' - როდმანი პროტესტის ფორმებმა აღაშფოთა
- 'ერთად ძლიერები ვართ' - ცალ ფეხზე ჩელსიმაც დაიჩოქა
- გამოიჩინეთ საღი აზრი, არ დასაჯოთ! - ფიფა სოლიდარობის ჟესტზე
- BLACK LIVES MATTER - პროტესტს გურამ კაშია და შოთა არველაძე შეუერთდნენ
- 'ტრამპმა ამერიკელებს ომი გამოუცხადა' - კარმელო ენტონი აღშფოთებას არ მალავს
- რასიზმთან ბრძოლა არ ისჯება - გერმანიის ფეხბურთის კავშირის გადაწყვეტილება
46 წლის ჯორჯ ფლოიდი ოთხმა სამართალდამცველმა 25 მაისს მინეაპოლისში დააკავა. თვითმხილველის მიერ გადაღებულ კადრებში მიწაზე იძულებით დაწვენილ შავკანიან მამაკაცზე პოლიციელს, დერეკ შოვინს მუხლი მანამ აქვს მიბჯენილი, სანამ დაკავებული გონებას არ დაკარგავს. მისი გადარჩენა ვეღარ მოხერხდა. სხვადასხვა ქალაქებში გამოსული საზოგადოების პროტესტს მასობრივი არეულობები, დარბევები და მსხვერპლიც მოჰყვა. დემონსტრაციებში აქტიურად არიან ჩართულნი სპორტსმენებიც.
კომენტარები