- ბორუსია 3:1 იუვენტუსი | 1997 წელი
- ჰიცფელდის გუნდმა ლიგის ფინალი მიუნხენის ოლიმპიურზე მოიგო
1997 წლის 28 მაისს, ოტმარ ჰიცფელდის დორტმუნდის ბორუსიამ მიუნხენის ოლიმპიურ სტადიონზე მარჩელო ლიპის იუვენტუსი - 3:1 დაამარცხა. ბორუსიადან გოლები რიდლემ (დუბლი) და ლარს რიკენმა გაიტანეს, ხოლო იუვენტუსიდან გოლი ალესანდრო დელ პიერომ გაიტანა, რომელიც თავისი სილამაზით შეიძლება 2 გოლსაც უდრიდა.
ამ გამარჯვებით ბორუსია გახდა მესამე გერმანული გუნდი ჰამბურგის და ბაიერნის შემდეგ, რომელმაც ჩემპიონთა ლიგის/თასის მოგება მოახერხა. გუნდის მთავარი მწვრთნელი - ოტმარ ჰიცფელდი შემდეგ ბაიერნში წავიდა, სადაც ტიტულის მოგება უკვე მეორე გუნდითაც შეძლო, როდესაც 2001 წლის ფინალში ვალენსია დაამარცხა.
კომენტარები