- საქართველოს ნაკრების ივლისის ტურნე სამხრეთ აფრიკაში შესაძლოა, არ შედგეს
- მსოფლიო რაგბის ორგანიზაცია ივლისის ტესტებზე თვის ბოლოს იმსჯელებს
- 🛑 LIVE | სპორტი და კორონავირუსი - ყველა ახალი ამბავი ერთად
მსოფლიო რაგბის ორგანიზაცია აპრილის ბოლოს მიიღებს გადაწყვეტილებას, ჩატარდება თუ არა ივლისში ტესტები. ამის შესახებ AFP-თან საფრანგეთის რაგბის ფედერაციის პრეზიდენტმა ბერნარ ლაპორტმა ისაუბრა.
"ივლისის ტესტების გაუქმების გადაწყვეტილებაზე მხოლოდ აპრილის ბოლოს იმსჯელებენ", - განაცხადა მან და ასევე უარყო ბილ ბიმონტის ვარაუდი, რომ ზაფხულის ტესტები შემოდგომისთვის იქნება გადატანილი - "ჯერჯერობით, ოფიციალურად არაფერი მსგავსი არ თქმულა".
როგორც წესი, ჩრდილო ნახევარსფეროს სარაგბო ქვეყნები ივლისში სამხრეთულ გუნდებს ხვდებიან, სამხრეთელები ჩრდილოეთში კი ნოემბერში სტუმრობენ.
შეგახსენებთ, რომ საქართველოს ნაკრებმა ივლისში სამი მატჩი უნდა ითამაშოს - 3 ივლისს ამხანაგური შეხვედრა სამხრეთ აფრიკის ბლუ ბულზთან, 11 ივლისს სამხრეთ აფრიკის A ნაკრებთან და 18 ივლისს ტესტი სამხრეთ აფრიკასთან პორტ ელიზაბეტის "ნელსონ მანდელა ბეი სტედიუმზე".
კომენტარები