🛑 LIVE | სპორტი და კორონავირუსი - ყველა ახალი ამბავი ერთად

ბერგამოს ატალანტას შეფმა ანტონიო პერკასიმ ‘გაძეტა დელო სპორტისთვის’ მიცემულ ინტერვიუში ემოციური განცხადებები გააკეთა. მისი თქმით, ატალანტას თანამშრომლების გარემოცვიდან 8 ადამიანია გარდაცვლილი კორონავირუსით, რომელმაც ევროპაში ყველაზე მეტად მისი ქალაქი აზარალა.

📋 ‘ისე ვართ, როგორც მსოფლიო ომში’ - ანტონიო პერკასის ემოციური სიტყვები

როგორც ირკვევა, ოლიმპიადის ორგანიზატორებს მიაჩნიათ, რომ ტოკიოს თამაშები 2021 წლის ივლისში უნდა ჩატარდეს. იაპონური ტელევიზიის, NHK-ს მიერ გავრცელებული ინფორმაციის თანახმად, ორგანიზატორებმა განიხილეს და შეთანხმდნენ, რომ ზაფხულის თამაშები გაისად, 23 ივლისს უნდა გაიხსნას.

📋 ოლიმპიადის დაწყების ახალი თარიღი ცნობილია?

ტურინის იუვენტუსმა ოფიციალურად დაადასტურა, რომ ფეხბურთელებთან და სამწვრთნელო შტაბთან ხელფასების დროებით შემცირებაზე შეთანხმება მიღწეულია. ტურინული გრანდის მიერ გავრცელებული ინფორმაციით, ხელფასების შემცირება შეეხება მარტს, აპრილს, მაისსა და ივნისს.

📋 ხელფასები შემცირებულია! იუვენტუსი 90 მილიონ ევროს დაზოგავს

NCAA-ს კლუბ ილინოისის ფორვარდმა გიორგი ბეჟანიშვილმა კორონავირუსზე და მასთან ბრძოლაზე ილაპარაკა. ბეჟანიშვილის გუნდს  NCAA-ს ჩემპიონშიპი ელოდა, მაგრამ კორონავირუსის მსოფლიო პანდემიამ ამერიკაში საკოლეჯო სპორტის სეზონი მთლიანად ჩაშალა. 

📋 'იყავით პოზიტიურები' - გიორგი ბეჟანიშვილი ფანებს მიმართავს

უეფას პრეზიდენტმა ალეკსანდერ ჩეფერინმა მსოფლიო ფეხბურთში სეზონის განახლების შესაძლო ვადებზე ილაპარაკა. 

📋 უეფას პრეზიდენტი: ამ შემთხვევაში სეზონი დაკარგული იქნება

ესპანური მედიის ინფორმაციით, საფეხბურთო კლუბ ვალენსიაში ახალი კორონავირუსით დაინფიცირების 25 შემთხვევა დაფიქსირდა. როგორც ირკვევა, საშიში ინფექცია მთავარი გუნდის 10 ფეხბურთელს და კლუბის 15 თანამშრომელს გამოუვლინდა. 

📋 25 ინფიცირებული ვალენსიაში - 10 მთავარი გუნდის ფეხბურთელია

ესპანეთის ჩემპიონატის ხელმძღვანელობა და ესპანეთის ფეხბურთელთა ასოციაცია მუშაობენ იმაზე, რომ მაქსიმალურად შეამცირონ დარტყმა, რომელსაც ახალი კორონავირუსის პანდემია ადგილობრივ ფეხბურთს აყენებს. 

📋 3 ვარიანტი - რა ელის ესპანეთის ჩემპიონატის 2019/20 წლების სეზონს

იტალიის ფეხბურთის ფედერაციის პრეზიდენტმა გაბრიელე გრავინამ განაცხადა, რომ ქვეყნის ჩემპიონატის გამარჯვებული იმ შემთხვევაშიც გამოვლინდება, თუკი კორონავირუსის პანდემიის გამო სეზონის ჩამთავრება ვერ მოხერხდება.

📋  სერია A-ს ამ სეზონში ჩემპიონი აუცილებლად ეყოლება!

NBA-ს კლუბის ლოს ანჯელეს კლიპერსის მფლობელი, მილიარდერი სტივ ბალმერი და მისი მეუღლე კონი 25 მილიონ აშშ დოლარს იმ ორგანიზაციებს გადაუხდიან, რომლებიც კორონავირუსის საწინააღმდეგო ვაქცინის შექმნაზე მუშაობენ. 

📋 კლიპერსის მფლობელი ვაქცინისთვის 25 მილიონ დოლარს გაიღებს

კარგი ამბავი იუტადან: ჯაზმა დღეს ოფიციალურად დაადასტურა, რომ კლუბის ორივე კალათბურთელი, დონოვან მიტჩელი და რუდი გობერი გამოჯანმრთელდნენ. ამასთან, NBA-ს გუნდის ყველა სხვა მოთამაშე და მთელი პერსონალი ჯანმრთელია.

📋 რუდი გობერი და დონოვან მიტჩელი გამოჯანმრთელდნენ!

რეალ მადრიდის ვარსკვლავებისთვის კორონავირუსით გამოწვეული ორკვირიანი კარანტინი დასრულებულია - ყოველ შემთხვევაში, ოფიციალურად. შეგახსენებთ, რომ რეალის კალათბურთელის, ტრეი ტომპკინსის ინფიცირების შემდეგ, 12 მარტს რეალის საფეხბურთო გუნდი თვითიზოლაციურ კარანტინში გადავიდა.

📋 რეალის ორკვირიანი კარანტინი დასრულდა, ვარჯიში გამორიცხულია

ინგლისური ლივერპულის მთავარმა მწვრთნელმა იურგენ კლოპმა განაცხადა, რომ ცრემლები ვერ შეიკავა ვიდეოს ნახვის შემდეგ, სადაც კორონავირუსთან მებრძოლი ექიმების სოლიდარობაა ასახული.

📋 'YOU’LL NEVER WALK ALONE' - ემოციური ვიდეო, რომელმაც კლოპიც აატირა

ქართველმა ჩოგბურთელმა სოფიო შაფათავამ (მსოფლიო რეიტინგში 371-ე ადგილი უკავია) პეტიცია გაავრცელა, რომლის მიზანიც კორონავირუსის დროს, WTA-ს, ATP-სა და ITF-ს ხელმძღვანელთა ყურადღების მიპყრობაა.

📋 ‘იქნებ, ვინმემ მოგვისმინოს’ – შაფათავას პეტიციას 650 ხელმომწერი ჰყავს

იტალიის ნაკრების ყოფილი მცველი, მარკო მატერაცი იმ მაისურას ყიდის, რომლითაც მსოფლიოს 2006 წლის ჩემპიონატის ფინალში ითამაშა და ჩემპიონიც გახდა. 46 წლის იტალიელი, რომელმაც გერმანიაში გამართული მუნდიალის ფინალში ერთ-ერთი მთავარი როლი ითამაშა, მიღებულ თანხას კორონავირუსის ეპიდამიასთან ბრძოლას მოახმარს.

📋 მარკო მატერაცი იმ მაისურას ყიდის, 2006 წლის ფინალში რომ ეცვა

ლივერპულმა კორონავირუსის კრიზისის გმირებს ვიდეო-მიმართვა მიუძღვნა და მათ თავგანწირული მუშაობისთვის მადლობა გადაუხადა.

📋 ‘მადლობა მთელი გუნდის სახელით’ - ლივერპულის მიმართვა ექიმებს

კატალონიური კლუბის დირექტორთა საბჭოს სხდომაზე განიხილეს ის ნაბიჯები, რომელთა გადადგმა აუცილებელია პანდემიით გამოწვეული ეკონომიკური კრიზისის ზემოქმედების შესამცირებლად. 

📋 ბარსელონამ კლუბის თანამშრომლებს ხელფასები შეუმცირა

ტურინის იუვენტუსის ნახევარმცველმა დულგას კოშტამ, რომელიც ბრაზილიაში იმყოფება, თვითიზოლაციის წესი დაარღვია და შესაძლოა იტალიური კლუბის პრეზიდენტის, ანდრეა ანიელის მხრიდან სანქციები მიიღოს.

📋 ფაქტი Instagram-ზე - დუგლას კოშტა თვითიზოლაციის წესს არღვევს

მადრიდის რეალის გადაწყვეტილებით, კლუბის სტადიონი "სანტიაგო ბერნაბეუ" კორონავირუსთან ბრძოლისთვის იქნება გამოყენებული. სტადიონზე სხვადასხვა საგნები იქნება დასაწყობებული და შემდგომში სამედიცინო ორგანიზაციებში გადანაწილდება.

📋 სანტიაგო ბერნაბეუ საწყობად გადაკეთდება – რეალის ოფიციალური განცხადება

75 წელია, უიმბლდონის ღია პირველობა არე გაუქმებულა და ეს შესაძლოა წელს მოხდეს. ეს იქნება უიმბლდონის გაუქმების პირველი შემთხვევა მას შემდეგ, რაც მეორე მსოფლიო ომი დასრულდა. სეზონის უმთავრესი საჩოგბურთო მოვლენა, დიდი ალბათობით, დაგეგმილ დროს არ ჩატარდება.

📋 პირველად მეორე მსოფლიო ომის შემდეგ - ზაფხული უიმბლდონის გარეშე?

დეტროიტ პისტონსის ფორვარდი კრისტიან ვუდი კორონავირუსისგან სრულად გამოჯანმრთელდა. ეს ინფორმაცია კალათბურთელის აგენტმა ადამ პენსაკმა CBS Sports-ს დაუდასტურა.

📋 დეტროიტის კალათბურთელი გამოჯანმრთელდა და თავს კარგად გრძნობს

ლეგენდარული ბრაზილიური სტადიონი მარაკანა, რომელმაც 2014 წლის მსოფლიოს ჩემპიონატსა და 2016 წლის ოლიმპიადას უმასპინძლა, საველე ჰოსპიტლად გადაკეთდა.

📋 ჰოსპიტალი მარაკანაზე - ბრაზილიაში კარდინალურ ნაბიჯებზე გადავიდნენ

მიუნხენის ბაიერნის ყოფილი პრეზიდენტი ული ჰიონესი კორონავირუსის გამო შექმნილ ვითარებას გამოეხმაურა და აღნიშნა, რომ მალე საფეხბურთო მსოფლიოში სრულიად განსხვავებულ სიტუაციას ვიხილავთ.

📋 ‘დაივიწყეთ 100-მილიონიანი ტრანსფერები’ – ჰიონესი ახალი სამყაროს მოლოდინში

კონორ მაკგრეგორი კორონავირუსთან მებრძოლ ექიმებს დაეხმარა. UFC-ის ირლანდიელმა სუპერვარსკვლავმა სამედიცინო პერსონალისთვის აუცილებელი ინვენტარის შესაძენად ირლანდიაში არსებულ საქველმოქმედო ფონდს მილიონი ევრო გადაურიცხა.

📋 ‘გული მტკივა და ვლოცულობ’ - კონორ მაკგრეგორმა ექიმებს მილიონი ევრო გადაურიცხა

კრივის ბრიტანელი მსოფლიოს ჩემპიონი ენტონი ჯოშუა თვითიზოლაციურ კარანტინშია. 30 წლის მოკრივემ ეს გადაწყვეტილება მას პრინც ჩარლზთან შეხვედრის შემდეგ მიიღო, რადგან ამ უკანასკნელს კორონავირუსი დაუდასტურდა.

📋 პრინც ჩარლზთან შეხვედრის გამო ენტონი ჯოშუა კარანტინშია

ტურინის იუვენტუსის ყოფილმა პრეზიდენტმა ჯოვანი კობოლი ჯილიმ მკაცრად გააკრიტიკა გუნდის ფეხბურთელები, რომელთაც კორონავირუსის დროს, იტალია დატოვეს. ყველაზე მწარე სიტყვები კრიშტიანო რონალდოს ერგო.

📋 ‘დედასთან წავიდა და ახლა, აუზთან ირუჯება’ – რონალდოს ტყუილში ადანაშაულებენ

ევროლიგის აღმასრულებელმა საბჭომ სხდომა გამართა, სადაც კორონავირუსის პანდემიასთან დაკავშირებით შექმნილი ვითარება განიხილა, სადაც გადაწყდა, რომ ლიგა მაშინვე განახლდება, როგორც კი ტურნირის მონაწილეთა ჯანმრთელობისა და უსაფრთხოებისთვის ოპტიმალური პირობები შეიქმნება.

📋 ევროლიგა არ ნებდება - პრიორიტეტი სეზონის არსებული ფორმატით დასრულებაა

გენუის სამპდორიას ნახევარმცველმა ედგარ ბარეტომ კორონავირუსზე ტესტი ჩაიტარა, რომელიც დადებითი აღმოჩნდა. იტალიური მედიის ინფორმაციით, საშიში ინფექცია 35 წლის პარაგვაელი ფეხბურთელის ცოლსაც გამოუვლინდა. 

📋 'ამ სეზონის გაგრძელებას აზრი აღარ აქვს' - სამპდორიას კორონავირუსი უტევს

ტყვიის სროლაში ოლიმპიურმა, მსოფლიოსა და ევროპის ჩემპიონმა ნინო სალუქვაძემ ტოკიოს ოლიმპიური თამაშების 2020-დან 2021 წლისთვის გადატანაზე ისაუბრა.

📋 ‘ასეთ რამეს არავინ ელოდა’ – სალუქვაძე ოლიმპიადის გადადებას მიესალმება

 ტურნირები და ყველა ის მატჩი, რომელიც ამ ორგანიზაციის ეგიდით უნდა გამართულიყო, გაურკვეველი ვადით გადაიდო.

📋 რაგბი ევროპამ ტურნირები გაურკვეველი ვადით გადადო

ინგლისის პრემიერლიგის კლუბი უოტფორდი წინადადებით გამოვიდა, კლუბის საშინაო სტადიონის ინფრასტრუქტურა ქვეყნის ჯანდაცვის ეროვნული სისტემის სამსახურის თანამშრომლებს დაუთმოს.

📋 უოტფორდმა ექიმებს თავისი სტადიონი დაუთმო

ბრაზილიელი ტიაგო სეიბოტ უაილდი პირველი ჩოგბურთელი გახდა, ვისაც კორონავირუსი დაუდგინდა. ის თებერვალში ჩილეს დედაქალაქ სანტიაგოში გამართული ტურნირის გამარჯვებული გახდა.

📋 პირველი ინფიცირებული ჩოგბურთელი – ბრაზილიელი თვითიზოლაციაშია

იტალიაში მიიჩნევენ, რომ ქვეყანაში ახალი კორონავირუსის ინფექციის აფეთქების ერთ-ერთი მიზეზი ჩემპიონთა ლიგის ⅛-ფინალის პირველი მატჩია, რომელშიც ბერგამოს ატალანტამ ვალენსიას უმასპინძლა. ეს შეხვედრა, 19 თებერვალს, მილანში გაიმართა და მას 40 ათასამდე ბერგამოელი გულშემატკივარი დაესწრო.

📋 ეს მატჩი იტალიისთვის ბიოლოგიური ბომბი აღმოჩნდა

ახალი კორონავირუსის მსოფლიო პანდემიამ კიდევ ერთი მსხვილი საერთაშორისო ტურნირი დააზარალა - საჭადრაკო ოლიმპიადა წლეულს აღარ გაიმართება.

📋 საჭადრაკო ოლიმპიადაც გადაიდო

ესპანელი ჩოგბურთელი რაფაელ ნადალი, კორონავირუსის გამო, თვითიზოლაციაში რჩება და იმ საქმეებით არის დაკავებული, რომლებისთვისაც სხვა დროს, ალბათ, ვერ მოიცლიდა.

📋 ‘ასეთი რაფა არასდროს მინახავს’ – ნადალი სამზარეულოში ტრიალებს

ბრაზილიური ფლამენგოს მთავარი მწვრთნელი ჟორჟე ჟეზუში, რომელიც კორონავირუსით არის ინფიცირებული, პორტუგალიაში დაბრუნდა და აეროპორტში ჟურნალისტები გამოლანძღა.

📋 ‘ვირუსით თქვენ უნდა დაავადებულიყავით’ – ჟეზუში წყობიდან გამოვიდა

ფიფა მზადაა, კლუბებთან ზაფხულის სატრანსფერო ფანჯრის 2021 წლის იანვრამდე გახანგრძლივების შესაძლებლობა განიხილოს. ბრიტანული მედიის ცნობით, ამ ნაბიჯის გადადგმის მიზანი, კორონავირუსის პანდემიის გამო ტურნირების შეჩერებისგან დაზარალებული კლუბების დახმარებაა, რათა მათ საბიუჯეტო ბალანსის აღდგენა მოახერხონ.

📋 სატრანსფერო ფანჯარა ზაფხულიდან იანვრამდე - ფიფა კლუბებზე ზრუნავს

ბერგამო ევროპაში ფაქტობრივად კორონავირუსის ეპიცენტრია და ბევრი ფიქრობდა, რომ პირველი ინფიცირებული ფეხბურთელი სწორედ ბერგამოს ატალანტად იქნებოდა, მაგრამ ჩრდილოიტალიურ კლუბში კორონავირუსის პირველი შემთხვევა ახლა დაფიქსირდა. ინფიცირებულია კლუბის მეკარე მარკო სპორტიელო.

📋 პირველი შემთხვევა ბერგამოს ატალანტაში - მეკარე ინფიცირებულია

მინესოტას ცენტრმა, კარლ-ენტონი ტაუნსმა ინსტაგრამზე ემოციური ვიდეო-მიმართვა გამოაქვეყნა, რომელშიც საზოგადოებას ატყობინებს, რომ მის დედას კორონავირუსი აქვს. კალათბურთელი ამბობს, რომ დედა კომაში და ხელოვნურ სუნთქვაზეა.

📋 ‘დედაჩემს კორონავირუსი აქვს და კომაშია’ - ტაუნსის ემოციური ვიდეო-მიმართვა

ტურინის იუვენტუსისა და პორტუგალიის ნაკრების ვარსკვლავმა კრიშტიანო რონალდომ, თავის აგენტთან, ჟორჟე მენდეშთან ერთად, ლისაბონისა და პორტუს საავადმყოფოებისთვის მილიონ ევროზე მეტი გაიღო. 

📋 კრიშტიანო რონალდო და მისი აგენტი საავადმყოფოებს ეხმარებიან

ბარსელონას თავდამსხმელი ლიონელ მესი კორონავირუსის პანდემიასთან საბრძოლველად მილიონ ევროს გაიღებს. თანხა ქალაქ ბარსელონის კლინიკასა და ლეოს სამშობლოში არსებულ სამედიცინო ცენტრზე განაწილდება. სახსრები სამედიცინო აღჭურვილობისა და დაცვის საშუალებების შეძენას მოხმარდება.

📋 მილიონი ევრო მესისგან - კორონავირუსს ბარსელონას ვარსკვლავიც ებრძვის

საქართველოს ეროვნული ოლიმპიური კომიტეტის პრეზიდენტმა ლერი ხაბელოვმა კომენტარი გააკეთა ტოკიოს 2020 წლის ოლიმპიადის გადადებასთან დაკავშირებით. შეგახსენებთ, რომ შეჯიბრება არაუგვიანეს 2021 წლის ზაფხულში უნდა გაიმართოს.

📋 'უჩვეულო ვითარებაში აღმოვჩნდით' - ხაბელოვი ოლიმპიადის გადადებაზე

მანჩესტერ სიტის ესპანელმა მწვრთნელმა ხოსეპ გვარდიოლამ კორონავირუსთან ბრძოლის ფონდში €1 000 000 გადარიცხა.

📋 მილიონი ევრო პეპისგან - გვარდიოლა კორონავირუსთან ბრძოლაში ჩაერთო

ევროპის 2021 წლის ჩემპიონატი კალათბურთში, რომლის ერთ-ერთი მასპინძელიც საქართველო უნდა იყოს, დიდი ალბათობით, გადაიდება და 2022 წელს ჩატარდება. მსოფლიოს საკალათბურთო კალენდარში ცვლილებები კორონავირუსმა შეიტანა.

📋 ევრობასკეტიც გადაიდება - საქართველო ტურნირს 2022 წელს უმასპინძლებს?

ტოკიოს ზაფხულის ოლიმპიური თამაშები გადაიდო და 2021 წელს გაიმართება. ზუსტი თარიღები ჯერჯერობით უცნობია. საერთაშორისო ოლიმპიური კომიტეტის გადაწყვეტილებას დადებითად აფასებს საქართველოს ძიუდოს ნაკრების კაპიტანი ვარლამ ლიპარტელიანი, რომელმაც პოპსპორტის კითხვებს უპასუხა.

📋 ვარლამ ლიპარტელიანი: სამწუხაროდ, ახლა ოლიმპიადის დრო არ იყო!

მილანის და იტალიური ფეხბურთის ლეგენდას, პაოლო მალდინის რამდენიმე დღის წინ კორონავირუსი დაუდგინდა. გაზეთ “კორიერე დელა სერასთან” ინტერვიუში 51 წლის ლეგენდამ ავადმყოფობის დეტალებზე ისაუბრა.

📋 ‘ყნოსვის და გემოს შეგრძნება დავკარგე’ - პაოლო მალდინიმ კორონავირუსზე ისაუბრა

მსოფლიოს მოდებული კორონავირუსის გამო, ყველას სოციალური დისტანცირებისკენ მოუწოდებენ. სარაგბო სამყაროში აღნიშნულის მაგალითად 6 ერისა და საქართველოს ურთიერთობაა მოყვანილი. ირონია იოლი გასაგებია.

📋 თვითიზოლაცია რაგბიში - 6 ერი საქართველოსთან დისტანციას იცავს

ოლიმპიადა იაპონიის დედაქალაქში ამ ზაფხულს უნდა გამართულიყო, მაგრამ კორონავირუსის გავრცელების საფრთხის გამო, წელს აღარ ჩატარდება. პოპსპორტი ოლიმპიურ ჩემპიონს, ლაშა ტალახაძეს დაუკავშირდა - რეკორდსმენ ძალოსანს, რომელიც მეორე ოლიმპიური ოქროს მოსაგებად ემზადებოდა.

📋 ლაშა ტალახაძე: ჩვენი ჯანმრთელობისთვის ასე ჯობდა

2020 წლის ზაფხულის ოლიმპიური თამაშები გადადებულია. ტოკიოს გუბერნატორმა განაცხადა, რომ თამაშები, რომელიც იაპონიის დედაქალაქში ამ ზაფხულს უნდა გამართულიყო, კორონავირუსის გავრცელების საფრთხის გამო, წელს აღარ ჩატარდება. 

📋 ოლიმპიადაც გადადებულია - ტოკიო თამაშებს 2021 წელს უმასპინძლებს

გაერთიანებული სამეფო მესამე დიდი ქვეყანა იქნება, რომელიც კანადისა და ავსტალიის შემდეგ, ტოკიოში გასამართ 2020 წლის ზაფხულის ოლიმპიურ თამაშებზე თავის სპორტსმენებს არ გაიყვანს.  დიდი ბრიტანეთის ოლიმპიური ასოციაციის თავჯდომარე სერ ჰიუ რობერტსონი აცხადებს, რომ ქვეყანა საბოლოო გადაწყვეტილების უახლოეს დღეებში მიიღებს.

📋 ტოკიო 2020 | ოლიმპიადაზე ალბათ არც დიდი ბრიტანეთი გავა

ორი დღის წინ, მადრიდის რეალის ყოფილი პრეზიდენტი ლორენსო სანსი კორონავირუსით გარდაიცვალა, ახლა კი ‘სამეფო კლუბის’ კიდევ ერთი ექს-პრეზიდენტია მძიმე მდგომარეობაში.

📋 რეალის კიდევ ერთი ექს-პრეზიდენტი კორონავირუსის გამო მძიმე მდგომარეობაშია

ბარსელონას ხელმძღვანელობაში ვარაუდობენ, რომ გუნდურად წვრთნის გასაახლებლად საუკეთესო დრო აპრილის ბოლო იქნება. შესაბამისად, კატალონიურ კლუბში ვარჯიშის პროცესის დაწყება, ჯერ მაინც პირობითად, 27 აპრილისთვის დაგეგმეს. 

📋 თუ ყველაფერი კარგად იქნება - ბარსელონაში ვარჯიშის დაგეგმეს

გალათასარაის მთავარ მწვრთნელ ფათიჰ თერიმს ახალი კორონავირუსი აქვს! ლეგენდარულ თურქი სპეციალისტის ტესტმა დადებითი შედეგი აჩვენა. ინფორმაცია 66 წლის თერიმმა ტვიტერზე გამოქვეყნებულ პოსტში დაადასტურა.

📋 ‘ჩემზე ნუ იდარდებთ’ - ფათიჰ თერიმს კორონავირუსი დაუდგინდა

ლონდონის ტოტენჰემის მთავარმა მწვრთნელმა ჟოზე მოურინიომ მონაწილეობა მიიღო სპეციალურ აქციაში, რომელიც კორონავირუსთან ბრძოლის ფარგლებში ჩატარდა.

📋 მოურინიომ საკვები ჩამოარიგა - ჟოზე კორონავირუსთან ბრძოლაში ჩაება

ევროლიგის მოთამაშეთა ასოციაცია, რომლის ერთ-ერთი ვიცე-პრეზიდენტი ესპანური ბასკონიას ქართველი კალათბურთელი თორნიკე შენგელიაა, არსებულ ვითარებაში სეზონის გაგრძელების წინააღმდეგია.

📋 ‘ცარიელ დარბაზში არ ვითამაშებთ’ – შენგელია დატომეს გუნდშია

უეფამ ოფიციალურად დაადასტურა, რომ 2020 წლის მაისისთვის დაგეგმილი ევროტურნირების ფინალები გადაიდო. თუ როდის ჩატარდება აღნიშნული მატჩები, მოგვიანებით გაირკვევა.

📋 ჩემპიონთა ლიგისა და ევროპალიგის ფინალები ოფიციალურად გადაიდო

USA TODAY-ის ექსკლუზიური ინფორმაციით, ზაფხულის ოლიმპიური თამაშები დიდი ალბათობით, აღარ გაიმართება 2020 წლის ზაფხულში და ის გადაიდება.

📋 '24 ივლისს ტყუილად ნუ დაელოდებით' - ტოკიოს ოლიმპიადა გადაიდო?

ალექსანდრ გლებმა მის სამშობლოში შექმნილ უცნაურ ვითარებაზე ისაუბრა. ბელარუსი ევროპაში ერთადერთ ქვეყნად რჩება, სადაც საფეხბურთო სეზონი მიმდინარეობს და ეს, იმ ფონზე, როდესაც მთელი მსოფლიო საგანგებო რეჟიმზეა გადასული.

📋 'იქნებ, მესი და რონალდოც ჩამოვიდნენ' - გლები ბელარუსების ქმედებით გაოგნებულია

ლონდონის არსენალის მთავარმა მწვრთნელმა მიკელ არტეტამ, რომელსაც 13 მარტს კორონავირუსი დაუდგინდა, ათიოდე დღის შემდეგ თავის ჯანმრთელობის მდგომარეობაზე ისაუბრა. 

📋 'ახლა კარგად ვარ' - არსენალის მწვრთნელმა კორონავირუსი დაამარცხა

სპორტსმენებს უქმად ყოფნა მოსწყინდათ და ერთი სული აქვთ შეჯიბრებებს როდის დაუბრუნდებიან. 31 წლის იტალიელმა ოლიმპიურმა ჩემპიონმა ფედერიკა პელეგრინიმ ვიდეო წარმოადგინა, სადაც აუზის ნაცვლად თავისივე საწოლში “ცურავს”.

📋 გაცურვა საწოლში – ოლიმპიურ ჩემპიონს აუზი ენატრება

საქართველოს რაგბის კავშირის ეგიდით მიმდინარე ყველა შეჯიბრი, როგორც ჭაბუკთა, ასევე კაცთა გუნდების მონაწილეობით, მინიმუმ აპრილის ბოლომდე არ განახლდება.

📋 ‘აპრილის ბოლომდე არ განახლდება’ – სარაგბო სეზონი ისევ გადაიდო

ესპანეთის ფეხბურთის სამეფო ფედერაციისა (RFEF) და ლა ლიგის საერთო კომიტეტის გადაწყვეტილებით, პროფესიული ფეხბურთის ყველა შიდა ტურნირი გაურკვეველი ვადით გადაიდო.

📋 ლა ლიგა გაურკვეველი ვადით გადაიდო

ბარსელონას სისტემაში ახალი კორონავირუსით დაინფიცირების პირველი შემთხვევა დაფიქსირდა. ესპანური მედიის ინფორმაციით, საშიში ინფექცია კატალონიური კლუბის მთავარ სკაუტს სამხრეთ ამერიკაში, ანდრე კიურისა და მის მეუღლეს დაუდგინდათ. 

📋 კორონავირუსი ბარსას სისტემაში - ბარტომეუ ფეხბურთელებს ხელფასებს უმცირებს

საერთაშორისო ოლიმპიურმა კომიტეტმა გამოაქვეყნა განცხადება, რომელიც 2020 წლის ზაფხულის ოლიმპიური თამაშების გრაფიკში ცვლილებების შესაძლო შეტანას ეხება. იაპონიის დედაქალაქ ტოკიოში თამაშების სტარტი 24 ივლისს არის დაგეგმილი, თუმცა კორონავირუსის გავრცელებამ ოლიმპიადის დათქმულ ვადებში ჩატარება ეჭვქვეშ დააყენა.

📋 კანადა და ავსტრალია ოლიმპიადაზე არ გამოვლენ, სოკ-ი ჯერ ფიქრობს

გერმანული ვოლფსბურგის ხელმძღვანელობამ მოულოდნელი გადაწყვეტილება მიიღო, რომლის თანახმადაც კლუბი ორშაბათიდან საწვრთნელ პროცესს განაახლებს.

📋 ‘ორშაბათს ვარჯიშს ვიწყებთ’ – ვოლფსბურგის მოულოდნელი გადაწყვეტილება

ტურინის იუვენტუსის პორტუგალიელმა ფორვარდმა კრიშტიანო რონალდომ კორონავირუსთან დაკავშირებით ტესტი გაიარა და საბედნიეროდ, პასუხი უარყოფითი აღმოჩნდა. ის კუნძულ მადეირაზე მდებარე სახლში თვითიზოლაციაში იმყოფება.

📋 რონალდომ კორონავირუსზე ტესტი გაიარა – პასუხი ცნობილია

კორონავირუსით ინფიცირებულთა შორის სპორტსმენებიც არიან, კონკრეტულად კი, ფეხბურთელებიც. ამ დროისთვის, ვირუსი უკვე 33 მათგანს დაუდასტურდა, რომელთა შორის საქვეყნოდ ცნობილი მოთამაშეებიც არიან.

📋 33 ინფიცირებული – კორონავირუსმა უკვე 3 საფეხბურთო გუნდი შეკრიბა

უეფა მუშაობს გეგმაზე, როგორ უნდა დასრულდეს ეს სეზონი. სამშაბათს გამართული ონლაინ-კონფერენციების შემდეგ ბევრი რამ გადაწყდა, თუმცა ყველაფერი საჯაროდ არ თქმულა. გერმანულ გაზეთ ‘ბილდ ამ ზონთაგს’ ჩაუვარდა დოკუმენტი, რომელიც ჩემპიონთა ლიგისა და ევროპალიგის სეზონების დასრულების ყველა შესაძლო ვარიანტს მოიცავს.

📋 უეფას გეგმები ჩემპიონთა ლიგასთან დაკავშირებით

იტალია მსოფლიოს ყურადღების ცენტრშია მოქცეული, რადგან კორონავირუსის გამო ქვეყანაში ყოველდღიურად ასობით ადამიანი კვდება. ამ თემაზე კომენტარი გააკეთა იტალიის ეროვნული ნაკრების მთავარმა მწვრთნელმა რობერტო მანჩინიმ.

📋 რობერტო მანჩინი: სწორედ ამის გამოძახილია სიმღერები აივნებზე

მანჩესტერ იუნაიტედის ყოფილ ნახევარმცველ მარუან ფელაინის, რომელიც ამჟამად ჩინური შანდუნ ლუნენის ღირსებას იცავს, კორონავირუსი დაუდგინდა. ბელგიელმა ფეხბურთელმა შესაბამისი განცხადება სოციალურ ქსელში გაავრცელა.

📋 'ტესტი დადებითი აღმოჩნდა' - ფელაინის კორონავირუსი დაუდასტურდა

იტალიური ბრეშას პრეზიდენტმა მასიმო ჩელინომ კორონავირუსის პანდემიასთან დაკავშირებულ სიტუაციაზე ისაუბრა და ქვეყნის მოსახლეობას კიდევ ერთხელ მოუწოდა, რომ ვითარებას მეტი სერიოზულობით მოეკიდნონ.

📋 ბრეშას პრეზიდენტი: ეს, ნამდვილი ჭირია, იფიქრეთ, როგორ გადარჩეთ!

გიორგი ბეჟანიშვილის ილინოისს გასულ დღეებში NCAA-ს საპლეიოფო თამაშები უნდა ჩაეტარებინა, ამის ნაცვლად კი, ქართველი კალათბურთელი თვითიზოლაციაში იმყოფება. და როგორ ცდილობს შინ დარჩენილი ბეჟანიშვილი გაიქარვოს კალათბურთის მონატრება? გიორგი შესაბამის ვიდეოს სოციალურ ქსელში ავრცელებს.

📋 ბეჟანიშვილი თვითიზოლაციაში - გიორგი პანდემიის დროსაც ვარჯიშობს

'ტელეგრაფის’ ინფორმაციით, პრემიერლიგა სეზონის დასრულების ყველა შესაძლო ვერსიას განიხილავს. ყველაზე პესიმისტური პროგნოზით, სეზონი 1 ივნისს უნდა გაგრძელდეს და მატჩები მაყურებლების გარეშე, ცარიელ სტადიონებზე უნდა ჩატარდეს. ინგლისში დარჩენილი ტურების ჩატარებაას 6 კვირაში გეგმავენ.

📋 პრემიერლიგა ივნისიდან? ინგლისი სეზონის სწრაფ ფინალს გეგმავს

უეფას პრეზიდენტი ალეკსანდერ ჩეფერინი ევროპის ჩემპიონატის ერთი წლით გადადების გამო დიდ ფინანსურ ზარალს ელოდება.

📋 უეფამ ევროპის ჩემპიონატის გადადებით ასობით მილიონი ევრო დაკარგა

მსოფლიოში გავრცელებულ კამპანიას “დარჩი სახლში” საქართველოს საკალათბურთო ნაკრების ყოფილი კაპიტანი ზაზა ფაჩულიაც შეუერთდა. მან კორონავირუსთან დაკავშირებით სპეციალური მიმართვა სოციალურ ქსელში გაავრცელა.

📋 ‘დარჩით სახლში, ვიფიქროთ ერთმანეთზე’ – ზაზა ფაჩულიას მოწოდება

მადრიდის რეალის ყოფილი პრეზიდენტი ლორენსო სანსი 76 წლის ასაკში კორონავირუსისგან გარდაიცვალა. სანსი "სამეფო კლუბს" 1995-2000 წლებში პრეზიდენტობდა. 

📋 მადრიდის რეალის ექს-პრეზიდენტი გარდაიცვალა

მილანის ოფიციალურმა საიტმა დაადასტურა, რომ კლუბის ტექნიკურ დირექტორ პაოლო მალდინის კორონავირუსი აქვს.

📋 პაოლო და დანიელი კარანტინში - მალდინის კორონავირუსი დაუდგინდა

უეფას თარიღები ოფიციალურად ჯერ არ დაუკონკრეტებია, თუმცა ითქვა, რომ ეს მოხდება ივნისის დასაწყისში ეგრეთ წოდებულ ფიფას დღეებში. 2020 წელს ფიფას დღეები, როცა ეროვნულ ნაკრებებს ამხანაგური მატჩების გამართვა შეუძლიათ, 3-11 ივნისით არის განსაზღვრული. ასე რომ, პლეი ოფიც ამ ვადებში უნდა ჩაეტიოს.

📋 როდის ვუმასპინძლებთ ბელარუსს - პლეი ოფის თარიღები ცნობილია?

მიუნხენის ბაიერნის პოლონელმა ვარსკვლავმა რობერტ ლევანდოვსკიმ და მისმა მეუღლე ანა ლევანდოვსკამ კორონავირუსთან ბრძოლის ფონდს მილიონი ევრო შესწირეს. 

📋 'დღეს ყველა ერთ გუნდში ვართ' - ლევანდოვსკიმ ვირუსთან ბრძოლას მილიონი შესწირა

ტურინის იუვენტუსის ფორვარდმა პაულო დიბალამ დაადასტურა, რომ კორონავირუსით ინფიცირებულია. ვირუსი დაუდგინდა მის მეგობარ გოგონას, ორიანსაც. არადა, სულ რამდენიმე საათის წინ არგენტინელი ისევ ამტკიცებდა, რომ მასზე ცრუინფორმაცია ვრცელდებოდა და რომ მას COVID 19 არ აქვს.

📋 იუვენტუსის ვარსკვლავსა და მის მეგობარ გოგონას კორონავირუსი დაუდგინდათ

ლა ლიგის კლუბის, ოსასუნას ფეხბურთელი რაულ ნავასი სოციალურ ქსელში ვიდეოს ავრცელებს, სადაც ჩანს, თუ როგორ ატარებს დროს თვითიზოლაციისას.

📋 როდესაც ლა ლიგის ფეხბურთელები მეზობლები არიან

ფორმულა 1-მა კორონავირუსით გამოწვეული იძულებითი პაუზის შევსება "ვირტუალური გრან პრით" (Virtual Grand Prix) გადაწყვიტა  ეს კიბერსპორტის სარბოლო სერიაა, რომელიც რბოლის მოყვარულ ფანებს გაართობს.

📋 კორონავირუსი | ფორმულა 1-ის ეტაპები ვირტუალურად გაიმართება

ევროპის ჩემპიონატის სახელწოდება, რომელიც ერთი წლით, 2021 წლის ზაფხულისთვის გადაავადეს, დამტკიცებული ჯერ კიდევ არ არის. როგორც ირკვევა, უეფამ იჩქარა და თავის ტვიტერზე გამოაცხადა, რომ ტურნირი 2021 წელსაც ევრო 2020-ის სახელწოდებით ჩატარდებოდა. ამის გამო ევროპული ფეხბურთის მმართველმა ორგანიზაციამ მოგვიანებით ბოდიში მოიხადა.

📋 ევრო 2020 თუ ევრო 2021 - ეს ჯერ უეფამაც არ იცის და ბოდიშს იხდის

ლისაბონის სპორტინგის პრეზიდენტი ფრედერიკუ ვარანდაში, რომელსაც აქვს სამედიცინო განათლება და თავის დროზე ექიმად ავღანეთის ომის დროსაც მუშაობდა, პორტუგალიაში კორონავირუსთან საბრძოლველად ექიმის პროფესიას უბრუნდება.

📋 სპორტინგის პრეზიდენტი ექიმის პროფესიას უბრუნდება

ნაპოლიმ თავის ოფიციალურ საიტზე გამოაცხადა, რომ გუნდი ვარჯიშს 25 მარტიდან განაახლებს. ეს გადაწყვეტილება ეწინააღმდეგება იტალიის ხელისუფლებისა და ლიგის ხელმძღვანლეობის აკრძალვას, ქვეყანაში ნებისმიერი მასობრივი ღონისძიების ჩატარების შესახებ.

📋 აკრძალვის საპირისპიროდ - ნაპოლი წვრთნის პროცესის განახლებას აპირებს

საერთაშორისო ოლიმპიური კომიტეტს და ტოკიო 2020-ის ორგანიზატორებს ივლისის ბოლოს დაგეგმილი ზაფხულის თამაშების გადადება არ სურთ, მაგრამ ბოლო დღეებში სულ უფრო მეტი ადამიანი მოითხოვს, რომ ოლიმპიადა გადაიდოს. ახლა ამ საკითხს ყოფილი ძუდოისტი, იაპონელი კაორი იამაგუჩიც გამოეხმაურა, რომელიც იაპონიის ოლიმპიური კომიტეტის წევრია. იგი პირველი იაპონელი ფუნქციონერია, რომელმაც განაცხადა, რომ ოლიმპიური თამაშების გადადების მომხრეა.

📋 ‘ოლიმპიადა უნდა გადაიდოს’ - იაპონელი ფუნქციონერის მოწოდება

კორონავირუსმა ესპანეთში ჯამში 1 041 ადამიანის სიცოცხლე იმსხვერპლა - მათ შორის ორი სპორტული ჟურნალისტია. სპორტული პრესის საერთაშორისო ასოციაციის ინფორმაციით, ორი ესპანელი სპორტული ჟურნალისტი სწორედ კორონავირუსით გარდაიცვალა.

📋 კორონავირუსით ორი ესპანელი სპორტული ჟურნალისტი გარდაიცვალა

უეფამ ოფიციალურად გამოაცხადა, რომ ევროპის ჩემპიონატის გადადების მიუხედავად, ტურნირისთვის სახელწოდების შეცვლას არ აპირებს. ევროპირველობას, რომელიც 2021 წლის 11 ივნისიდან 11 ივლისამდე პერიოდში ჩატარდება, მაინც ევრო 2020-ის სახელი ექნება.

📋 2021 წლის ტურნირს ევრო-2020 ერქმევა – უეფას უცნაური გადაწყვეტილება

მსოფლიო რაგბის გადაწყვეტილებით, კორონავირუსის გლობალური პანდემიის გამო, 2020 წლის ახალგაზრდული მსოფლიო ჩემპიონატი აღარ გაიმართება. 28 ივნისიდან 18 ივლისის ჩათვლით, ტურნირისთვის იტალიას უნდა ემასპინძლა.

📋 კორონავირუსი | 20-წლამდე მორაგბეთა მსოფლიოს ჩემპიონატი აღარ ჩატარდება

ინგლისის ეროვნული ნაკრების მთავარმა მწვრთნელმა გარეტ საუთგეიტმა, კორონავისურის საფრთხესთან დაკავშირებით, ბრიტანელ გულშემატკივრების ღია წერილით მიმართა.

📋 'ეს პასუხისმგებლობა ყველას გვეკისრება' - საუთგეიტის ემოციური მიმართვა

მილანის ინტერის ფორვარდმა რომელუ ლუკაკუმ კორონავირუსის პანდემიასთან დაკავშირებულ სიტუაციაზე ისაუბრა და აღნიშნა, რომ უკვე თავის კონტროლი უჭირს. ბელგიელი ფეხბურთელი კვირაზე მეტია თვითიზოლაციაში იმყოფება და ერთი სული აქვს, საფეხბურთო სეზონი როდის განახლდება.

📋 ‘გაგიჟების პირას ვარ’ – ლუკაკუ სახლში ვეღარ ჩერდება

ესპანეთის ჩემპიონატში მოთამაშე ფეხბურთელები მონაწილეობას მიიღებენ ტურნირში FIFA 20. ლა ლიგის წევრებმა გასართობად მას შემდეგ მოიცალეს, რაც მსოფლიოს მოდებული კორონავირუსის გამო, ფაქტობრივად, ყველა ტურნირი შეწყდა ან ჩაიშალა.

📋 ლა ლიგის გუნდები მინდორს უბრუნდებიან - ჯერჯერობით, FIFA 20-ში

ლა ლიგის პრეზიდენტმა ხავიერ ტებასმა პრიმერას კლუბებთან ვიდეოკონფერნეცია ჩაატარა, სადაც სეზონის დარჩენილ ნაწილთან დაკავშირებით გეგმის თაობაზე იმსჯელეს. 

📋 ყველაზე ოპტიმისტური გეგმა - ლა ლიგა კლუბებს ვარჯიშის სწრაფად დაწყებას ურჩევს

ბასკონიას ქართველი კალათბურთელი თორნიკე შენგელია, კორონავირუსის პანდემიასთან დაკავშირებით მედიკოსთა რჩევას ითვალისწინებს და კარანტინის წესებს იცავს, თუმცა 28 წლის სპორტსმენი ვარჯიშს არც ოჯახურ გარემოში წყვეტს.

📺 აზიდვა ზურგზე ბავშვებით - თორნიკე შენგელიას ვარჯიში კარანტინში

ჰამბურგის ბერნჰარდ ნოხტის ინსტიტუტის პროფესორის, ვირუსოლოგი იონას შმიდტ-ხანასიტის პროგნოზით, წელს საზოგადოება ფეხბურთს უნდა დაემშვიდობოს. მისი თქმით, მხოლოდ გერმანიის მაგალითითაც შეიძლება ასეთი დასკვნის გაკეთება.

📋 ‘წელს ფეხბურთი დაივიწყეთ’ - გერმანელი ვირუსოლოგის პროგნოზი

NBA-ს გუნდებში ჩატარებულმა ტესტებმა კორონავირუსი კიდევ რამდენიმე კალათბურთელს დაუდგინა. ინფიცირებულია ბოსტონ სელტიკსის ვარსკვლავი მარკუს სმარტი და ლოს ანჯელეს ლეიკერსის ორი მოთამაშე.

📋 ლეიკერსის კალათბურთელებს და მარკუს სმარტს კორონავირუსი დაუდასტურდათ

ბელარუსი ერთადერთ ევროპულ ქვეყნად იქცა, სადაც ამ დროის მდგომარეობით ფეხბურთს თამაშობენ. უფრო მეტიც, ბელარუსში ეროვნულმა ჩემპიონატმა სტარტი სწორედ დღეს (!) აიღო, მაშინ, როდესაც კორონავირუსის პანდემიის გამო, მანამდე მიმდინარე ყველა ტურნირიც კი ჩაიშალა.

📋 ‘არაყი და აბანო ვირუსის წამალია’ – ბელარუსებმა ჩემპიონატი დაიწყეს

საქართველოს ქალ მოჭადრაკეთა ნაკრების წევრი, აჭარის ჭადრაკის ფედერაციის პრეზიდენტი, საერთაშორისო დიდოსტატი სალომე მელია საინტერესო ინიციატივით გამოვიდა.

📋 ‘დარჩი სახლში, ითამაშე ჭადრაკი’ – მელია ონლაინ გაკვეთილებს იწყებს

ფორმულა 1-ის ხელმძღვანელებმა ოფიციალურად დაადასტურეს, რომ ნიდერლანდების (3 მაისი), ესპანეთის (10 მაისი) და მონაკოს (24 მაისი) რბოლებიც გადაიდო. ამრიგად, ფორმულა 1-ის ახალი სეზონი, სავარაუდოდ (ყველაზე ადრე), 7 ივნისს, აზერბაიჯანის გრანპრით დაიწყება.

📋 ფორმულა 1-ის მომდევნო რბოლებიც გადაიდო! რა ელის სეზონს?

მსოფლიოს ყოფილმა მე-5 ჩოგანმა ეჟენი ბუშარმა იმ პრობლემებზე ისაუბრა, რომელიც კორონავირუსის პანდემიის დროს, თვითიზოლაციისას აწუხებს.

📋 ბუშარი: მეგობარ ბიჭთან ერთად, კარანტინი უფრო მხიარული იქნებოდა

ბრაზილიელმა ფეხბურთელმა ნეიმარმა საფრანგეთი დატოვა, სამშობლოში ჩავიდა და იქ მანამდე დარჩება, სანამ კორონავირუსის პანდემია არ გადაივლის. პსჟ-ს ტიაგო სილვაც დაემშვიდობა, მარკინიოსი კი პარიზში რჩება.

📋 ნეიმარმა პარიზი დატოვა – ბრაზილიელს თვითიზოლაცია სამშობლოში ურჩევნია

გერმანელმა ფეხბურთელმა ბენედიქტ ჰიოვედესმა კორონავირუსის მიმართ რუსეთის მიდგომა მკაცრად გააკრიტიკა. ვებგვერდ t-online.de-ზე თავის ყოველკვირეულ სტატიაში მან რუსეთის სტრატეგიას სიგიჟე უწოდა.

📋 ‘რუსეთის სტრატეგია სიგიჟეა!’ - ჰიოვედესის წერილი გერმანულ გამოცემას

სეზონის ჩაშლის გამო, უქმად მყოფი ფეხბურთელები ათასგვარ გასართობს ეძებენ, რათა არსებულ რთულ ვითარებას გაუმკლავდნენ. ორიგინალობით ყველას ევერტონის 26 წლის ლეგიონერმა ანდრე გომეშმა აჯობა, რომელმაც ცნობილი ფილმიდან სცენა დადგა და ვიდეო სოციალურ ქსელში გამოაქვეყნა.

📋 'ვილსონ, უნდა ვილოცოთ' - გომეშმა ჰენქსის სცენა გაითამაშა

იმ ფეხბურთელთა შორის, რომელთაც კორონავირუსის გამო, გადაადგილების მხრივ პრობლემები შეექმნა, საქართველოს ეროვნული ნაკრებისა და ბელგიური გენტის ფორვარდი გიორგი ქვილითაიაც მოხვდა.

📋 ‘ყოველი დღე ერთნაირია’ – ქვილითაია საქართველოში დაბრუნებას ვერ ახერხებს

ლაციო მომავალი კვირიდან ვარჯიშების განახლებას გეგმავს, რის გამოც რომაული კლუბს იტალიაში მასობრივად აკრიტიკებენ. კრიტიკის მიზეზი ის არის, რომ იტალიაში კორონავირუსი უდიდესი მასშტაბებით ვრცელდება. ამ დროისთვის ქვეყანაში ვირუსით ინფიცირების 35 713 შემთხვევაა დაფიქსირებული და ჯამში 3 000-მდე ადამიანი გარდაიცვალა.

📋 ლაციო ვარჯიშის განახლებას გეგმავს და იტალიაში ეს არ მოსწონთ

იტალიის ფეხბურთის ფედერაციის პრეზიდენტის გაბრიელე გრავინას განცხადებით, ქვეყნის ჩემპიონატი, შესაძლოა, 3 მაისს განახლდეს. მისი თქმით, ახალ კალენდარზე მუშაობა უკვე დაწყებულია.

📋 სერია A 3 მაისს განახლდება? ოპტიმისტური განცხადება იტალიიდან

“ბოლო დღეებში ბევრ რამეზე სხვანაირად დავფიქრდი, ბევრი რამ გადავაფასე” - განაცხადა გერმანიის ნაკრების მთავარმა მწვრთნელმა იოახიმ ლიოვმა გერმანიის საფეხბურთო კავშირის მოკლე პრესკონფერენციაზე. ბუნდესმწვრთნელმა კორონავირუსის გავრცელებაზე ემოციური განცხადებები გააკეთა.

📋 ‘დედამიწა ადამიანებისგან თავს იცავს’ - იოახიმ ლიოვის ემოციური სიტყვები

ხელბურთის საერთაშორისო ფედერაციამ (IHF) ივნისისთვის გადაიტანა ტოკიოს ოლიმპიადის საკვალიფიკაციო ტურნირები, ხოლო ევროპულმა ფედერაციამ (EHF) მინიმუმ 12 აპრილამდე შეაჩერა ყველა ევროტურნირი და სანაკრებო შეჯიბრება. შეჩერებულია ეროვნული ჩემპიონატებიც.

📋 პანდემიამ ხელბურთიც გააჩერა – ჯერჯერობით, 12 აპრილამდე

პროფესიონალ ჩოგბურთელთა ასოციაციამ (АТР) და ქალთა ჩოგბურთის ასოციაციამ (WTA) ერთობლივი განცხადება გაავრცელეს, რომლის თანახმად, საჩოგბურთო სეზონში კორონავირუსით გამოწვეული პაუზა 7 ივნისამდე გაგრძელდება. 

📋 კორონავირუსი | საჩოგბურთო სეზონში პაუზა ზაფხულამდე გამოცხადდა

კორონავირუსის გამო, შესაძლოა, 2023 წლის მსოფლიოს თასის წილისყრა გადაიდოს. სარაგბო მსოფლიოს თასამდე ჯერ კიდევ 3 წელზე მეტი რჩება, წილისყრა კი 30 ნოემბერს უნდა გაიმართოს პარიზში, მაშ, რა შუაშია კორონავირუსი?

📋 მსოფლიოს თასის წილისყრა გადაიდება? ევროპას საგზურს აღარ უბრუნებენ

ყაზანის რუბინის ფეხბურთელები, მათ შორის გუნდის ქართველი ლეგიონერები: ზურიკო დავითაშვილი და ხვიჩა კვარაცხელია, უახლოეს მომავალში შემოწმებას კორონავირუსზე გაივლიან. 

📋 კორონავირუსზე ტესტს ზურიკო და ხვიჩაც გაივლიან - რუბინი ფრთხილობს

ინგლისის პრემიერლიგას დრო 31 ივლისამდე აქვს, რათა ჩემპიონატის დარჩენილი მატჩები ჩაატაროს, მაგრამ თუკი 2019/20 წლების სეზონის დასრულება ვეღარ მოხერხდება, ლიგას 811 მილიონი ევროს გადახდა იმ ტელემაუწყებლებისთვის მოუწევს, რომლებსაც მატჩების ტრანსლირების უფლება შეძენილი აქვთ.

📋 თუ პრემიერლიგამ სეზონი ვერ დაასრულა - € 811 მილიონი დასაბრუნებელი იქნება

იტალიური მილანის თავდამსხმელი ზლატან იბრაჰიმოვიჩი კორონავირუსთან დაკავშირებულ სიტუაციას გამოეხმაურა და აღნიშნა, რომ იტალიური კლინიკებისთვის თანხის შეგროვებას იწყებს.

📋 იბრაჰიმოვიჩი: თუკი ვირუსი არ მიდის ზლატანთან, მაშინ ზლატანი მიდის ვირუსთან

ბრაზილიური ფლამენგოს მთავარ მწვრთნელს ჟორჟე ჟეზუშს კორონავირუსი დაუდგინდა. აღნიშნულის შესახებ განცხადება თავად სპეციალისტმა გაავრცელა სოციალური ქსელით.

📋 ჟეზუშს კორონავირუსი დაუდგინდა – ფლამენგოს მწვრთნელი კარანტინშია

გერმანიის ნაკრების ფეხბურთელებმა კორონავირუსით ინფიცირებულთა დასახმარებლად შესაბამის ფონდში 2,5 მილიონი ევრო გადარიცხეს. ეს ინფორმაცია ბუნდესგუნდის მოთამაშეებმა, მათიას გინტერმა და ლეონ გორეტცკამ ინსტაგრამზე დაადასტურეს.

📋 2,5 მილიონი კორონავირუსით ინფიცირებულთათვის - გერმანიის ნაკრების ქველმოქმედება

თურქეთი ევროპული მასშტაბით ლამის ერთადერთი ქვეყნად რჩება, სადაც კორონავირუსის პანდემიის გამო, სპორტული ღონისძიებები არ შეწყვეტილია. გასაკვირი არაა, რომ ეს განსაკუთრებით ლეგიონერთა შორის უკმაყოფილებას იწვევს და ზოგიერთმა მათგანმა ქვეყანა თვითნებურადაც კი დატოვა.

📋 ‘შეწყვიტეთ სეზონი’ – თურქეთიდან სპორტსმენები გარბიან

სთრონგმენი კონსტანტინე ჯანაშია, იგივე 'ქართველი ხარი' მძიმე ტრავმის შემდეგ გამოჯანმრთელდა და აქტიურ სპორტში დასაბრუნებლად ემზადება. პირველი დიდი ტურნირი, რომელშიც ჯანაშიამ უნდა იასპარეზოს, ევროპის ჩემპიონატია. ტურნირი კორონავირუსის გამო გადაიდო.

📋 სთრონგმენი | ქართველი ხარის დაბრუნება გადაიდო

მადრიდის რეალის ყოფილი პრეზიდენტი ლორენსო სანსი კორონავირუსით კლინიკაში გადაიყვანეს და რეანიმაციულ განყოფილებაშია. ესპანური მედიის ინფორმაციით, 76 წლის სანსს ბოლო დღეებში მაღალი სიცხეები ჰქონდა. მისი მდგომარეობა კრიტიკულია.

📋 სანსი კორონავირუსის გამო მძიმე მდგომარეობაშია

საქართველოს ვაჟ მოჭადრაკეთა ნაკრების ლიდერი ბაადურ ჯობავა კორონავირუსის პანდემიის გამო, თვითიზოლიაციაში მყოფ იტალიელ მოჭადრაკეებსა თუ ჭადრაკის მოყვარულებს თანადგომას უცხადებს და მზადაა, მათ ელვისებურ ჭადრაკში გაეჯიბროს.

📋 'ყველას გეთამაშებით' - ჯობავას გამოწვევა საჭადრაკო სამყაროს

მას მერე, რაც ბრუკლინ ნეტსის 4 მოთამაშეს (მათ შორის კევინ დურანტს) კორონავირუსი დაუდასტურდათ, ტესტები ლოს ანჯელეს ლეიკერსის ყველა კალათბურთელს ჩაუტარეს და ყველა მათგანი 14-დღიან კარანტინშია. ლებრონ ჯეიმსის გუნდმა ეს ინფორმაცია ოფიციალურად დაადასტურა.

📋 ლებრონ ჯეიმსი და ლეიკერსი 14-დღიან კარანტინში

კევინ დურანტის ტესტი კორონავირუსზე დადებითია. დურანტის გარდა COVID-19  ბრუკლინ ნეტსის კიდევ სამ მოთამაშეს დაუდგინდა. მათი ვინაობა უცნობია.

📋 კევინ დურანტი და ბრუკლინის კიდევ 3 მოთამაშე ინფიცირებულნი არიან

ტურინის იუვენტუსმა ოფიციალური განცხადება გაავრცელა, რომლის თანახმადაც კორონავირუსი ტურინული გუნდის კიდევ ერთ ფეხბურთელს დაუდგინდა. დანიელე რუგანის შემდეგ, ინფიცირებული ბლეზ მატუიდი აღმოჩნდა.

📋 იუვენტუსში კორონავირუსი კიდევ ერთ ფეხბურთელს დაუდასტურდა

კორონავირუსის პანდემიის გამო, დიდი სლემის ტურნირიც გადაიდო - როლან გაროსის კორტებზე საფრანგეთის ღია პირველობა მაის-ივნისის ნაცვლად სექტემბერ-ოქტომბერში გაიმართება.

📋 როლან გაროსი US OPEN-ის შემდეგ ერთ კვირაში - ჩოგბურთელებს ეს არ მოსწონთ

უეფას გადაწყვეტილებით, 2019/20 წლების სეზონის ჩემპიონთა ლიგის ფინალი, 30 მაისის ნაცვლად, 27 ივნისს ჩატარდება, ხოლო ევროპალიგის გადამწყვეტი შეხვედრა, რომელიც 27 მაისს იყო დაგეგმილი, 24 ივნისს გაიმართება

📋 უეფამ ჩემპიონთა ლიგის და ევროპალიგის ფინალები გადადო

ევროპის ჩემპიონატის შესარჩევი პლეი ოფის 1/2-ფინალური მატჩი, რომელიც საქართველოს და ბელარუსის ნაკრებებს შორის თბილისში 26 მარტს უნდა გამართულიყო, გადადებულია. გადაწყვეტილება კორონავირუსის გავრცელების საფრთხეს უკავშირდება.

📋 ბელარუსთან მატჩი გადადებულია და ზაფხულში გაიმართება!

უეფას გადაწყვეტილებით, ევროპის 2020 წლის ჩემპიონატი ფეხბურთში, რომელიც 12 ივნისიდან 12 ივლისის ჩათვლით, ევროპის 12 ქალაქში უნდა ჩატარებულიყო, წელს აღარ გაიმართება. ამის მიზეზი მსოფლიოში გავრცელებული კორონავირუსის საფრთხეა.

📋 ევრო 2020 გადაიდო - უეფამ გადაწყვეტილება კორონავირუსის გამო მიიღო

რუსული სპორტული მედიის ცნობით, ამ ქვეყნის საფეხბურთო ჩემპიონატი, სულ ცოტა, 10 აპრილამდე შეჩერდა. რუსეთის პრემიერლიგაში პაუზის გამოცხადების მიზეზი კორონავირუსის პანდემიაა.

📋 რუსეთის პრემიერლიგაც შეწყდა - პაუზა საქართველოს ნაკრების 5 ფეხბურთელს შეეხო

კორონავირუსის გამო, საქართველოში პრაქტიკულად ყველა სპორტული შეჯიბრი და აქტივობა გადადებულია, მათ შორის ეროვნული ლიგა. შექმნილი ვითარებიდან გამომდინარე, ქუთაისის ტორპედომ გამოთქვა მზადყოფნა, საწვრთნელი ბაზა საკარანტინო ზონად გამოაცხადოს. 

📋 ტორპედო მზადაა, საწვრთნელი ბაზა საკარანტინო ზონად გამოაცხადოს

ლოზანის გრან პრის გამარჯვებული ნანა ძაგნიძე შვეიცარიიდან დაბრუნების შემდეგ თვითიზოლაციაშია. ქართველმა მოჭადრაკემ სოციალურ ქსელში ვიდეომიმართვა გაავრცელა და საზოგადოებას კორონავირუსის პრევენციასთან დაკავშირებული რეგულაციების დაცვისკენ მოუწოდა.

📋 ნანა ძაგნიძე: ყველას მოგიწოდებთ, დაემორჩილეთ რეგულაციებს

ფორმულა 1-ში კორონავირუსით დაინფიცირების მეორე შემთხვევა დაფიქსირდა. მაკლარენის მექანიკოსის შემდეგ, ვირუსი ახლა საბურავების მწარმოებელი კომპანიის, ‘პირელის’ თანამშრომელს დაუდასტურდა. იტალიელებმა ეს ინფორმაცია ოფიციალურად დაადასტურეს.

📋 მეორე შემთხვევა ფორმულა 1-ში - როდის დაიწყება სეზონი?

გერმანული საფეხბურთო კლუბის ჰოფენჰაიმის მფლობელმა დიტმარ ჰოპმა კორონავირუსული ინფექციის ვაქცინის შექმნის სავარაუდო ვადებზე ისაუბრა. ცნობისთვის, ჰოპი გერმანული ბიოფარმაცევტული კომპანია CureVac-ის მფლობელია, რომელსაც ვაქცინის შექმნაზე მუშაობა დაწყებული იანვრიდან აქვს.

📋 ჰოფენჰაიმის მფლობელი კაცობრიობას ვაქცინას ჰპირდება

რუსეთის ქალაქ მურმანსკში მიმდინარე საერთაშორისო საჭადრაკო ტურნირის ყველა მონაწილე ჰოსპიტალიზირებულია და მათ კორონავირუსზე ტესტის ჩაბარება მოუწევთ. პანიკა მას შემდეგ ატყდა, რაც ირლანდიიდან ჩასულ მოჭადრაკეს ვირუსის ნიშნები აღმოაჩნდა, მოგვიანებით კი მისმა ტესტმა დადებითი პასუხი აჩვენა.

📋 ყველა მონაწილე ჰოსპიტალშია – რუსული ქალაქი პანიკაშია, ტურნირი ჩაიშალა

ევროპის ჩემპიონატის გადადება უეფასთვის დიდ ფინანსურ დანაკარგებთანაა დაკავშირებული. პორტალ The Athletic-ის ინფორმაციით, ევრო 2020-ის ერთი წლით გადადების სანაცვლოდ, უეფა კლუბებს და ლიგებს ჯამში 275 მილიონ ფუნტს სთხოვს, რაც დაახლოებით 300 მილიონი ევროა.

📋 უეფა ევროპის ჩემპიონატის გადადებისთვის კლუბებისგან 300 მილიონ ევროს ითხოვს!

ახლახან სამხრეთ აფრიკის რაგბის კავშირმა იძულებითი ცვლილებები შეიტანა გეგმებში, კორონავირუსის პანდემიის გამო. ეს ცვლილებები ივლისის ტესტებს არ შეხებია, თუმცა საბოლოო გადაწყვეტილებას აფრიკელები აპრილში მიიღებენ. 

📋 ისტორიული ტესტი სამხრეთ აფრიკასთან საფრთხეშია?

უეფაში უარყოფენ ესპანური დიარიო AS-ის ინფორმაციას, თითქოს, უეფა ეროვნულ ჩემპიონატებში მიმდინარე ლიდერებს გამოაცხადებს ჩემპიონებად, თუკი კორონავირუსის გამო მათი დასრულება ვერ მოხერხდება.

📋 უეფას უბრალოდ ამის უფლება არ აქვს - AS-ის ინფორმაცია უარყვეს

ბელარუსის მედია საქართველოს მთავრობის გადაწყვეტილებას გამოეხმაურა, რომლის მიხედვითაც, 18 მარტის 00:00-დან ორი კვირის განმავლობაში საქართველოში უცხოეთის მოქალაქეები არ დაიშვებიან. 

📋 'ქართველებთან მატჩი არ იქნება?' - ბელარუსის მედია მთავრობის გადაწყვეტილებაზე

საქართველოს მოკრივეთა ეროვნული ნაკრების წევრმა სახილ ალახვერდოვმა (52 კგ.) 2020 წლის ზაფხულის ოლიმპიური თამაშების ლიცენზია მოიპოვა. ეს ლონდონში მოხდა, სადაც შეჯიბრი კორონავირუსის პანდემიის გამო, ნაადრევად დასრულდა.

📋 ქართველმა მოკრივემ ოლიმპიური ლიცენზია მოიპოვა, ტურნირი კორონავირუსმა ჩაშალა

კორონავირუსის პანდემიამ ირანში კიდევ ერთი ადამიანი იმსხვერპლა, რომელიც სპორტთან იყო დაკავშირებული. როგორც Tehrantimes იუწყება, ავადმყოფობის გამო გარდაიცვალა საფეხბურთო და ფუტსალის მწვრთნელი აჰმად ტაჰერი.

📋 კორონავირუსის მორიგი მსხვერპლი – ირანში მწვრთნელი გარდაიცვალა

საერთაშორისო ოლიმპიური კომიტეტი ტოკიოს ოლიმპიური თამაშების ცარიელი ტრიბუნების წინაშე ჩატარებას გამორიცხავს. ტოკიო 2020-ის საორგანიზაციო კომიტეტში იმედს არ კარგავენ, რომ ივლისისთვის, კორონავირუსის მხრივ, სიტუაცია გაუმჯობესებული იქნება.

📋 ‘ოლიმპიადას დახურულ კარს მიღმა არ ჩავატარებთ’ – სოკ-ის პოზიცია ცნობილია

გერმანიის ბუნდესლიგის 2019/20 წლების სეზონი, რომელიც კორონავირუსის ეპიდემიის გამო 26-ე ტურის მატჩების წინ შეწყდა, მინიმუმ, 2 აპრილამდე არ განახლდება. ამის შესახებ გერმანიის საფეხბურთო ლიგის (DFL) გენერალურმა დირექტორმა კრისტიან საიფერტმა გამოაცხადა. 

📋 ბუნდესლიგაში პაუზამ 2 აპრილამდე გადაიწია - ეს არ ნიშნავს, რომ 3-ში განახლდება

ლონდონის ჩელსის ნახევარმცველმა მეისონ მაუნთმა თვითიზოლაციის წესი დაარღვია. ამ ინფორმაციას Mirror-ი ავრცელებს. მაუნთი ქუჩის ერთ-ერთ მოედანზე მაშინ შეამჩნიეს, როდესაც ფეხბურთს ვესტ ჰემის ფეხბურთელ დეკლან რაისთან ერთად თამაშობდა.

📋 მაუნთი ქუჩაში გამოიჭირეს - ჩელსის ფეხბურთელმა თვითიზოლაციის წესი დაარღვია

მალაგის საფეხბურთო კლუბის, ატლეტიკო პორტადა ალტას ბავშვთა გუნდში დასაქმებული მწვრთნელი ფრანსისკო გარსია კორონავირუსისგან გარდაიცვალა. 

📋 მსხვერპლი ესპანურ ფეხბურთში - კორონავირუსისგან 21 წლის მწვრთნელი გარდაიცვალა

ქალთა საჩოგბურთო ასოციაციამ (WTA) კორონავირუსის პანდემიის გამო, 2 მაისამდე დაგეგმილი ყველა ტურნირი გააუქმა. შესაბამისად, ჩაიშალა შტუტგარტში, სტამბოლსა და პრაღაში გასამართი შეჯიბრებები.

📋 WTA-მ 2 მაისამდე ყველა ტურნირი გააუქმა - გრუნტის სეზონი ჩაიშლება?

რუსეთმა უეფას ევროპის 2020 წლის ჩემპიონატის მასპინძლობის სურვილით მიმართა და ამ წინადადებას დახმარების შეთავაზება დაარქვა. როგორც იცით, უეფაში ევრო 2020-ის საკითხი სამშაბათს დაგეგმილი მსჯელობის შედეგად უნდა გადაწყდეს.

📋 ახალი პერსპექტივა ევრო 2020-ისთვის? რუსეთმა უეფას მასპინძლობა შესთავაზა

გუნდების წარმომადგენლები დაეთანხმნენ საქართველოს კალათბურთის ფედერაციის გადაწყვეტილებას, მსოფლიოსა და ჩვენს ქვეყანაში შექმნილი სიტუაციის გათვალისწინებით, სუპერლიგისა და A ლიგის გათამაშებების 6 აპრილამდე შეჩერებასთან დაკავშირებით.

📋 6 აპრილამდე შეწყდა – კორონავირუსმა ქართული კალათბურთიც გააჩერა

მას შემდეგ, რაც კორონავირუსის პანდემიის გამო, NBA-ს სეზონი შეწყდა, ლიგის ვარსკვლავებს თავისუფალი დრო სხვადასხვაგვარად გაჰყავთ. სოციალურ ქსელში ერთ-ერთი აქტიური იანის ანტეტოკუნმპოა, რომელიც გართობის გზების ძიებაშია.

📋 ‘ყველანი ასე ვართ’ – იანისი გიტარაზე უკრავს და ჭადრაკს თამაშობს

კორონავირუსის გამო ინგლისის პრემიერლიგა გაჩერებულია, ლივერპულის ნახევარმცველი ალექს ოქსლეიდ-ჩემბერლენი კი დროს კარანტინშიც საინტერესოდ ატარებს.

📋 VIDEO | ოქსლეიდ-ჩემბერლენი და მისი მეგობარი ქალი კარანტინში

ესპანური პრიმერას პრეზიდენტმა ხავიერ ტებასმა სეზონის დარჩენილ ნაწილთან დაკავშირებით არსებულ გეგმაზე ისაუბრა.

📋 'ყველაფერი იქითკენ მიდის' - პრიმერაში სეზონის დასრულებას აპირებენ

NBA-ში სამუშაო ვერსიებს უკვე განიხილავენ, თუ როგორ შეიძლება სეზონის გაგრძელება. ლიგას ფინანსური პასუხისმგებლობებიც აქვს, რაც სეზონის შეწყვეტის შემთხვევაში, მძიმე ფინანსურ დანაკარგებს გულისხმობს. 

📋 NBA | როდის იქნება პლეი ოფი? სეზონი აუცილებლად უნდა დამთავრდეს!

იტალიის ნაკრების მთავარი მწვრთნელი რობერტო მანჩინი არამარტო ევროპის ჩემპიონატის გადადების მომხრეა, არამედ მიაჩნია, რომ სხვა გამოსავალი ფაქტობრივად არ არსებობს.

📋 იტალიის ნაკრების მწვრთნელი ევრო 2020-ის გადადებას ითხოვს

იტალიის ფეხბურთის ფედერაცია, კორონავირუსის ეპიდემიის გამო, უეფას ევრო 2020-ის გადადების თხოვნით მიმართავს, რათა სერია A-ს სეზონის დასრულება მოხერხდეს. 

📋 'გადადეთ ევრო 2020' - იტალიის ფეხბურთს ფედერაცია უეფას მიმართავს

ბრაზილიური გრემიოს მოთამაშეები მინდორზე დამცავი ნიღბებით გავიდნენ და ქვეყნის საფეხბურთო კავშირს მიანიშნეს, რომ არსებულ რეალობაში ჩემპიონატის გაგრძელება არასწორი ნაბიჯია.

📋 რა დროს ფეხბურთია – ბრაზილიაში სეზონის შეწყვეტას ითხოვენ

მანჩესტერ იუნაიტედის 26 წლის ნახევარმცველმა პოლ პოგბამ სოციალურ ქსელში კამპანია წამოიწყო, რომლის მიზანიც კორონავირუსთან ბრძოლისთვის თანხის შეგროვებაა.

📋 ‘შემოსულ თანხას გავაორმაგებ’ – პოგბა კორონავირუსს თავისებურად ებრძვის

ტესტ-მატჩი, რომელიც ესპანეთისა და გერმანიის საფეხბურთო ნაკრებ გუნდებს შორის უნდა გამართულიყო, გაუქმდა. ესპანეთის ფეხბურთის ფედერაციის წარმომადგენელმა ‘ზუდდოიჩე ცაითუნგს’ დაუდასტურა, რომ 26 მარტს მადრიდში დაგეგმილი ამხანაგური შეხვედრა არ შედგება.

📋 კორონავირუსი | ესპანეთი-გერმანია გაუქმდა

რეალის ფეხბურთელებმა ჩაწერეს ვიდეო, რომელშიც კორონავირუსის კიდევ უფრო დიდი მასშტაბით გავრცელების საფრთხის გამო, გულშემატკივრებს სახლებში დარჩენისკენ მოუწოდებენ.

📋 ‘დარჩით სახლში!’ - რეალის ფეხბურთელების მიმართვა გულშემატკივრებს

ვალენსიას მცველ ესეკილ გარაის კორონავირუსი აქვს - 33 წლის ფეხბურთელმა ეს ამბავი ინსტაგრამზე დაადასტურა. აღსანიშნავია, რომ გარაის ჩემპიონთა ლიგის მერვედფინალის მატჩებში ბერგამოს ატალანტასთან არ უთამაშია.

📋 'ექიმებს კარგად უნდა მოვუსმინო' - გარაის კორონავირუსი დაუდასტურდა

კორონავირუსი NBA-ს კიდევ ერთ მოთამაშეს აღმოაჩნდა - ამის შესახებ CBC Sports წერს. ეს გახლავთ დეტროიტ პისტონსის ფორვარდი კრისტიან ვუდი.

📋 ვუდმა გობერის წინააღმდეგ ითამაშა და კორონავირუსი აქვს

ტურინის იუვენტუსის სუპერვარსკვლავმა კრიშტიანო რონალდომ პორტუგალიაში საკუთარი სასტუმროების უფასო კლინიკებად გამოყენების გადაწყვეტილება მიიღო. პორტუგალიელი თვითონ გადაუხდის ხელფასებს ექიმებს და პერსონალს.

📋 რონალდოს ღირსეული საქციელი - მის სასტუმროებში კლინიკები იქნება