- იტალიის ოლიმპიურმა კომიტეტმა გადაწყვეტილება მიიღო
- 3 აპრილამდე ყველა სპორტული ღონისძიება გადაიდო
- გადაწყვეტილება საერთაშორისო ტურნირებს არ ეხება
კორონავირუსის გამო, იტალიაში ყველა შიდა სპორტული ღონისძიება 3 აპრილამდე გადაიდო. განცხადებას იტალიის ეროვნული ოლიმპიური კომიტეტი ავრცელებს.
გადაწყვეტილება იტალიის სერია A-ს, სხვა საფეხბურთო და სპორტულ ლიგებსაც ეხება, თუმცა ის იტალიური კლუბები და ნაკრებები, რომლებიც საერთაშორისო ასპარეზზე გამოდიან, ქვეყნის ღირსების დაცვას ჩვეულებრივად გააგრძელებენ.
აღსანიშნავია, რომ შაბათ-კვირის ყველა მატჩი სერია A-ში უმაყურებლოდ ჩატარდა. იტალიაში ევროპის მასშტაბით ყველაზე მძიმე მდგომარეობაა - კორონავირუსის 7000 დადასტურებული ფაქტი და 300-ზე მეტი გარდაცვალება დაფიქსირდა.
კომენტარები