- 31 წლის სტეფ კარის ტრავმის გამო 58 მატჩი გაუცდა
- უორიორსის ვარსკვლავს ოქტომბრის შემდეგ არ უთამაშია
გოლდენ სტეიტ უორიორსის ლიდერმა სტეფ კარიმ მოედანზე დაბრუნება ორიგინალურად დააანონსა.
ცნობილი გახდა, რომ NBA-ს ერთ-ერთი უმთავრესი ვარსკვლავი, რომელსაც ხელის მოტეხილობის გამო, რამდენიმე თვე გაუცდა (30 ოქტომბრის შემდეგ, 58 მატჩი გამოტოვა), 5 მარტს ტორონტო რეპტორსთან შეხვედრაში დაბრუნდება.
აღნიშნულ ფაქტს სტეფი ტვიტერის გვერდზე გამოეხმაურა. კარიმ გამოიყენა კადრი ფილმიდან “დამოუკიდებლობის დღე”, სადაც უცხოპლანეტელების დედამიწაზე გამოჩენის ეპიზოდია ასახული.
კადრში ისმის შეძახილი: “გამარჯობა, ბიჭებო, მე დავბრუნდი!”. ფილმის გმირის ნაცვლად კი, ამ დროს ვიდეოში კარის სახე სჩანს.
შეგახსენებთ, რომ გოლდენ სტეიტის რიგებში სტეფს NBA-ს ჩემპიონობა 3-ჯერ (2015, 2017 და 2018 წლებში) აქვს მოპოვებული. ამასთან გარდა, 31 წლის კალათბურთელი რეგულარული პირველობის MVP-ს ტიტულის ორგზის მფლობელია.
მიმდინარე სეზონში გოლდენ სტეიტი საშინლად თამაშობს და 14 მოგებითა და 48 მარცხით ლიგაში ბოლო ადგილზე იმყოფება.
კომენტარები