Thumbnail
  • სპალ 1:2 იუვენტუსი
  • კრიშტიანო რონალდომ სეზონში 21-ე გოლი გაიტანა

იტალიის სერია A-ს 25-ე ტურში ტურინის იუვენტუსმა სტუმრად სპალ-ს 2:1 მოუგო და 60 ქულით ერთპიროვნული ლიდერია.

პირველ ტაიმში სტუმრები კრიშტიანო რონალდომ დააწინაურა, რომელიც კარიერაში მეათასე მატჩს თამაშობდა, მან კუადრადოს ჩაწოდების შემდეგ დასწრებაზე ითამაშა. ეს მისი 21-ე გოლია ამ სეზონში იტალიის ჩემპიონატში.

მეორე ტაიმში აარონ რემზიმ მეკარეს ბურთი თავზე გადაუგდო, თუმცა სპალ-მა შჩესნის კარში პენალტი გაიტანა და თამაშიც დაიძაბა. იუვენტუსმა სამი ქულის შენარჩუნება შეძლო.

საინტერესო ფაქტები რონალდოზე

⚽ კრიშტიანო რონალდომ სერია A-ს რეკორდი გაიმეორა - ზედიზედ 11 მატჩში გაიტანა

⚽ აქამდე ეს მხოლოდ გაბრიელ ბატისტუტამ (1994/95) და ფაბიო კვალიარელამ (2018/19) შეძლეს.

⚽ კრიშტიანომ ბოლო 11 მატჩში 16 გოლი გაიტანა. 

⚽ ასეთი სერია მას კარიერაში მხოლოდ ერთხელ ჰქონდა - 2014 წელს ლა ლიგაში რეალის შემადგენლობაში.

⚽ კრიშტიანომ მე-1000 მატჩი ითამაშა კარიერაში: სპორტინგში - 33, მანჩესტერ იუნაიტედში - 292, რეალში - 438, იუვენტუსში 73, პორტუგალიის ნაკრებში - 164.

⚽ ის დაეჭია რუი კოშტას, რომელსაც 42 გოლი აქვს იტალიის ჩემპიონატში გატანილი და აქამდე სერია A-ში ყველაზე მეტი გოლის გამტანი პორტუგალიელი იყო. 

კომენტარები

ბოლო ამბები