- ვერდერი 0:2 დორტმუნდი
- ერლინგ ჰაალანდმა 6 ტურში 9 გოლი გაიტანა
ბუნდესლიგის 23-ე ტურში დორტმუნდის ბორუსიამ სტუმრად 2:0 მოუგო ბრემენის ვერდერს. დორტმუნდი 45 ქულით მეორე ადგილზეა, სანამ ლაიპციგი ითამაშებს.
სტუმრებმა ორივე გოლი მეორე ტაიმში გაიტანეს, ჯერ სანჩოს პასით დან-აქსელ ზაგადუმ გაიტანა, შემდეგ კი თავი ერლინგ ჰაალანდმა გამოიჩინა.
19 წლის ნორვეგიელი შთამბეჭდავ პერიოდს ატარებს გერმანულ კლუბში, რომელსაც ზამთრის სატრანსფერო ფანჯრის დროს შეუერთდა ზალცბურგიდან - ბუნდესლიგის 6 მატჩში მან მეცხრე (!) გოლი გაიტანა.
საინტერესო ფაქტები ჰაალანდზე
⚽ ერლინგ ჰაალანდი ბუნდესლიგის ისტორიაში პირველი ფეხბურთელია, ვინც ბუნდესლიგის პირველ 6 მატჩში 9 გოლი გაიტანა.
⚽ მას უკვე 12 გოლი აქვს დორტმუნდის მაისურით გატანილი 8 მატჩში. მხოლოდ ლევერკუზენთან თამაშში ვერ მოახერხა გატანა.
⚽ ნორვეგიელმა უკვე 40 გოლი გაიტანა 2019/20 წლების სეზონში.
კომენტარები