- სოსო ფრუიძე ჩიხურაში 2007 წლიდან მუშაობდა
- მან საჩხერლებს საქართველოს თასი და სუპერთასი მოაგებინა
საჩხერის ჩიხურას მთავარმა მწვრთნელმა სოსო ფრუიძემ კლუბში გატარებული 12 წლის შემდეგ თანამდებობა დატოვა.
საჩხერელთა პრესსამსახურის ცნობით, ფრუიძე გადაღლილობის გამო ტაიმ-აუტს იღებს და ასპარეზს ახალგაზრდა თაობას უთმობს.
შეგახსენებთ, რომ გამოცდილმა მწვრთნელმა ჩიხურა 2007 წელს ჩაიბარა და 2013 წელს საქართველოს სუპერთასი მოაგებინა, 2017-ში კი – დავით ყიფიანის თასი.
სათქმელია ისიც, რომ საჩხერლებმა ევროთასების საგზური 6-ჯერ მოიპოვეს და ევროასპარეზზე, საერთო ჯამში, 22 მატჩი ჩაატარეს.
გუნდის ხელმძღვანელობის გადაწყვეტილებით, ჩიხურას დღეიდან ვახტან თურმანიძე უხელმძღვანელებს, მისი ასისტენტი კი ვლადიმერ ზაბახიძე იქნება. მათ სამწვრთნელო PRO-ლიცენზიები რამდენიმე დღის წინ მიიღეს.
კომენტარები