- მიხეილ ბერიშვილმა წელი ძალიან შედეგიანად დაიწყო
- ქართველი ლეგიონერების გუნდი ლიდერობას ინარჩუნებს
32 წლის ქართველმა კალათბურთელმა მიხეილ ბერიშვილმა ყატარის ჩემპიონატში მორიგი შედეგიანი მატჩი ჩაატარა.
ბერიშვილისა და გიორგი ცინცაძის ალ შამალმა ალ გარაფას 83:80 სძლია, მიხეილმა კი შეუცვლელად ითამაშა და შეხვედრის უძვირფასესი კალათბურთელი (MVP) გახდა.
40 წუთში ბერიშვილის მონაგარი 27 ქულა, 8 მოხსნა, 7 პასი, 2 ჩაჭრა და 2 დაფარება იყო.
ქართველმა ლეგიონერმა 5-დან 3 ორქულიანი, 10-დან 6 სამქულიანი და 4-დან 3 საჯარიმო ჩააგდო, ბურთი 2-ჯერ დაკარგა, 3 პერსონალური ფოლი მიიღო, მის წინააღმდეგ კი 2-ჯერ დაჯარიმდნენ.
შედეგად, ბერიშვილის სარგებლიანობის კოეფიციენტი 36-ს გაუტოლდა, რაც ორივე გუნდის რიგებში საუკეთესო მაჩვენებელი იყო.
სათქმელია ისიც, რომ წლეულს მიშა განსაკუთრებით შედეგიანად თამაშობს და მისი საშუალო მონაგარი უკვე 18.4 ქულა, 7.7 მოხსნა და 3.7 პასია.
მასპინძლებს 13 ქულა, 4 მოხსნა, 6 პასი, 2 ჩაჭრა და 1 დაფარება შესძინა ცინცაძემ, რომელმაც მოედანზე 35:57 წუთი გაატარა.
საქართველოს ნაკრების გამთამაშებელმა 5-დან 1 ორქულიანი, 8-დან 3 სამქულიანი და 4-დან 2 საჯარიმო გამოიყენა, ბურთი 5-ჯერ დაკარგა, ერთხელ დაუფარეს, 3-ჯერ დაჯარიმდა, მის წინააღმდეგ კი თამაშის წესები 2-ჯერ დაირღვა.
ალ შამალმა 9 მოგება და 3 მარცხი მოაგროვა და სატურნირო ცხრილში პირველ ადგილზე იმყოფება, მომდევნო მატჩს კი 18 იანვარს, სტუმრად, უახლოეს მდევარ ალ ვაკრასთან ჩაატარებს.
კომენტარები