- ქართველმა ჩოგბურთელმა ძალები ჩინურ ტურნირზე სცადა
- იაპონურ-რუმინულ დუეტთან მატჩი მხოლოდ საათს გაგრძელდა
29 წლის ქართველმა ჩოგბურთელმა ოქსანა კალაშნიკოვამ წლეულს პირველი მატჩი ჩაატარა, თუმცა, ვერ ვიტყვით, რომ 2020-ში წარმატებული სტარტი გამოუვიდა.
კალაშნიკოვა და რუსი ეკატერინა ალექსანდროვა ჩინეთის ქალაქ შენჟენში დაწყებულ ტურნირში (საპრიზო ფონდი 750 ათასი დოლარი) ჩაებნენ და მერვედფინალში იაპონურ-რუმინულ დუეტთან (მისაკი დოი-მონიკა ნიკულესკუ) 2:6, 2:6 წააგეს.
თამაში მხოლოდ საათს გაგრძელდა და ქართველმა და რუსმა ჩოგბურთელებმა ერთადერთი ბრეიკი განახორციელეს, თავად კი მოწოდება 5-ჯერ დათმეს.
შეგახსენებთ, რომ კალაშნიკოვა წყვილთა რეიტინგში 1425 ქულით 57-ე ადგილზეა, კარიერის პიკი კი 2016 წლის ივნისში ჰქონდა, როდესაც 43-ე პოზიციას უწია.
კომენტარები