Thumbnail

მზადება არგენტინული ტურნესთვის - საქართველო XV-ის შემადგენლობა ცნობილია

ჯიმი ოლსენი პროფილის ფოტო
ჯიმი ოლსენი
  • საქართველო XV-მა არგენტინული ტურნესთვის მზადება დაიწყო
  • ბესიკ ხამაშურიძემ გაფართოებულ შემადგენლობაში 35 კაცი შეიყვანა

საქართველო XV-ის სამწვრთნელო შტაბმა ის 35 მორაგბე შეარჩია, რომლებიც 2020 წლის იანვარში, არგენტინული ტურნესთვის მოემზადებიან. 

მთავარი მწვრთნელის, ბესიკ ხამაშურიძის მიერ შერჩეულ გაფართოებულ შემადგენლობაში 21 მორკინალი და 14 ხაზის მოთამაშეა. აქცენტი ამჯერადაც დიდი 10-ის კლუბების მორაგბეებზე გაკეთდა, თუმცა წინა მატჩებისგან განსხვავებით, ამჯერად გაფართოებულ შემადგენლობაში ორი ლეგიონერია, ორივე მარჯვენა ბურჯი - ნიკა პატარაია ბუქარესტის ‘დინამოდან’ და ანტონ ფეიქრიშვილი, რომელიც ბოლოს ფრანგულ ‘აჟენში’ თამაშობდა და კონტრაქტი ცოტა ხნის წინ დაუმთავრდა. 

მორაგბეები და მათი კლუბები: 9 მორაგბე ბათუმიდან, 5 მორაგბე ჯიქიდან, 4-4 მორაგბე - თბილისის აკადემია, ლელო-სარასენსი და ქუთაისის აია - 3 მორაგბე, რუსთავის ხარები - 3 მორაგბე, მარნეულის არმაზი - 2 მორაგბე, თითო-თითო ბოლნისის ყოჩებიდან და იუნკერებიდან.

პირველი შეკრება 23 დეკემბერს ქუთაისში დაიწყება და ერთ კვირას გაგრძელდება. მეორე შეკრება კი 4 იანვარს დაიწყება და საქართველო XV 30-კაციანი შემადგენლობით არგენტინაში 11 იანვარს გაემგზავრება.

ხაგუარესთან რომელიც ზე-რაგბის ახალი სეზონისთვის ემზადება, პირველ თამაშს 17 იანვარს მარ-დელ-პლატაში გამართავს. მეორე შეხვედრა 24 იანვარსაა დანიშნული და ჯერჯერობით უცნობია სად ჩატარდება ეს თამაში. 

საქართველო XV-ის გაფართოებული შემადგენლობა

შერკინება: ნიკა აბულაძე (ყოჩები 1-3), ზურაბ ერისთავი (ბათუმი, 1-3), ბექა გვარამია (აკადემია, 1), გოგა ხუროშვილი (არმაზი, 2), ბექა მამრიკიშვილი (ბათუმი, 2), გიორგი ჭყოიძე (ლელო-სარასენსი, 2, 8), რევაზ წიკლაური (აია, 3), შოთა გოგისვანიძე (ბათუმი, 3), ნიკა პატარაია (სტიაუა, რუმინეთი 3), ანტონ ფეიქრიშვილი (3), ვანო ბერიკაშვილი (აკადემია 4-5), მიხეილ ბაბუნაშვილი (აია, 4-5), სანდრო ქოიავა (ბათუმი, 4-5), თორნიკე ზოიძე (აკადემია 4-5, 6-7-8), არჩილ აბესაძე (ლელო-სარასენსი, 4-5, 6-7), ვანო ფუტკარაძე (ბათუმი, 4-5, 6-7), გიორგი მჭედლიშვილი (იუნკერები, 6-7-8), თორნიკე კიკნაძე (ჯიქი, 6-7), დაჩი კოპაძე (ჯიქი, 6-7), კობა ჯიმშელეიშვილი (ბათუმი, 6-7), გურამ შენგელია (აია, 6-7-8),

ხაზი: ვაჟა ხუციშვილი (ხარები, 9), კობა ბუჯიაშვილი (ბათუმი, 9), რეზი ჯინჭველაშვილი (ჯიქი 10), დავით მოძღვრიშვილი (აკადემია, 10), გიორგი ბაბუნაშვილი (აია 10-15), სანდრო მამამთავრიშვილი (ლელო-სარასენსი 12-13), აკაკი ტაბუცაძე (ლელო-სარასენსი, 11-14), ნიკა გიგაური (არმაზი 12-13), გურამ ქანდაურაშვილი (ბათუმი, 12-13), გიორგი ნათელაშვილი (ხარები, 12-13), კოტე მარჯანიშვილი (ჯიქი 11-14), ანზორ სიჭინავა (ბათუმი, 11-14), ლევან ნარიმანიძე (ხარები, 11-14), ირაკლი სვანიძე (ჯიქი 15). 

კომენტარები

ბოლო ამბები