- ტურინის იუვენტუსმა ლევერკუზენის ბაიერი სტუმრად 2:0 დაამარცხა
- ფავორიტებმა შეხვედრები მოიგეს, ოლიმპიაკოსი ევროპალიგაზე გავიდა
ჩემპიონთა ლიგის ბოლო ტურის მეორე სათამაშო დღეს ფავორიტებმა შეხვედრები მარტივად მოიგეს და იმ ბოლო 2 მერვედფინალისტის ვინაობაც ცნობილი გახდა, რომლებმაც საუკეთესო 16 გუნდში ადგილი მოიპოვეს.
ატალანტამ შახტარს სტუმრად 3:0 სძლია და პლეი ოფში გავიდა, ხოლო ატლეტიკომ საკუთარ მოედანზე მოსკოვის ლოკომოტივი დაამარცხა და მერვედფინალის საგზური მოიპოვა.
როგორც აღვნიშნეთ, ფავორიტებმა საკუთარ მატჩები მოიგეს. რეალმა ბრიუგეს სტუმრად 3:1 მოუგო - ბრაზილიელმა როდრიგომ ჩემპიონთა ლიგაზე მორიგი გოლი გაიტანა. მადრიდელთა მხრიდან თავი ვინისიუს ჟუნიორმა და ლუკა მოდრიჩმაც გამოიჩინეს.
პარი სენ ჟერმენმა გალათასარაის 5 უპასუხო გოლი გაუტანა. ბაიერნმა შესუსტებული შემადგენლობით მიუნხენში ჩასულ ტოტენჰემს 3:1 სძლია. ლევერკუზენი საკუთარ მოედანზე იუვენტუსთან 0:2 დამარცხდა, ხოლო ოლიმპიაკოსმა ბელგრადის ცრვენა ზვეზდას 1:0 სძლია და ევროპალიგის საგზური მოიპოვა.
ჩემპიონთა ლიგაზე ყველა მერვედფინალისტის ვინაობა გაირკვა. წილისყრა სამშაბათს თბილისის დროით 15:00 საათზე დაიწყება.
ჩემპიონთა ლიგის პლეი ოფში გასული გუნდები: ლივერპული, ნაპოლი, ვალენსია, ჩელსი, ბარსელონა, დორტმუნდი, ლაიპციგი, ლიონი, პსჟ, რეალი, ბაიერნი, ტოტენჰემი, მანჩესტერ სიტი და იუვენტუსი, ატალანტა და ატლეტიკო.
პსჟ 5:0 გალათასარაი
გოლები: 1:0 იკარდი (32), 2:0 სარაბია (35), 3:0 ნეიმარი (46), 4:0 მბაპე (63), 5:0 კავანი (პენ-84)
ლევერკუზენი 0:2 იუვენტუსი
გოლები: 0:1 რონალდო (75), 0:2 იგუაინი (90+1)
ბაიერნი 3:1 ტოტენჰემი
გოლები: 1:0 კომანი (14), 1:1 სესენიონი (20), 2:1 მიულერი (45), 3:1 კოუტინიო (64)
ბრიუგე 1:3 რეალი
გოლები: 0:1 როდრიგო (53), 1:1 ვანაკენი (55), 1:2 ვინისიუსი (64), 1:3 მოდრიჩი (90)
ოლიმპიაკოსი 1:0 პარტიზანი
გოლი: 1:0 ელ არაბი (პენ-87)
კომენტარები