- კონორ ო'ში იტალიის ნაკრებიდან 6 თვით ადრე წავიდა
- იტალიის რაგბის კავშირმა დროებით მწვრთნელი იპოვა
- ფრანკო სმიტი ექვსი ერის მიმდინარეობისას იმუშავებს
იტალიის რაგბის კავშირმა ახალი დროებითი მწვრთნელი დანიშნა. კონორ ო'შის ვადაზე ადრე წასვლის შემდეგ, იტალიელებმა კონტრაქტი სამხრეთაფრიკელ ფრანკო სმიტთან გააფორმეს და ის ნაკრებს 6 ერის მიმდინარეობისას გაწვრთნის.
იტალიელები ახალი მთავარი მწვრთნელის ძებნას ჯერ კიდევ აგრძელებენ. ისინი მსოფლიო თასისთვის მზადებას 2020 წლის პირველ ივლისს დაიწყებენ, როდესაც ამერიკულ ტურნეში წავლენ.
47 წლის სმიტს სამხრეთ აფრიკის ნაკრებში 9 მატჩი ჩაუტარებია. ფრანკო იტალიურ ტრევიზოს 6 წლის განმავლობაში წვრთნიდა, რის შემდეგაც სამხრეთაფრიკული ჩიტასის მწვრთნელი გახდა. იტალია 6 ერის პირველ ტურში უელსის ნაკრებს შეხვდება.
კომენტარები