Thumbnail

ხელბურთი | გოგონების ტურნირში ლიდერები წინ გაიჭრნენ

  • ჯემალ ცერცვაძის სახელობის ხელბურთის აკადემიაში განახლდა საქართველოს ჩემპიონატი

გლდანში, ჯემალ ცერცვაძის სახელობის ხელბურთის აკადემიაში განახლდა საქართველოს ჩემპიონატი უფროსი ასაკის გოგონებს შორის. პირველ დღეს გამარჯვებები მოიპოვეს ლიდერებმა: ყვარლისა და სამტრედიის გუნდებმა. 

შარშანდელმა ჩემპიონმა, ყვარელმა 27:18 დაამარცხა ლიდერთა ჯგუფის კიდევ ერთი წარმომადგენელი, ტყიბული, ხოლო ვერცხლის პრიზიორმა სამტრედიამ 30:8 მოუგო თელავს. ლიდერთა შეხვედრა 23 ნოემბერსაა დანიშნული, ხოლო ამ ორ გუნდს კვალში უდგანან ტყიბული, ფოთის ოქროს ვერძი და თბილისის მამული.

სულ, 22-25 ნოემბერს გლდანის დარბაზში ჩემპიონატის მონაწილე 13 გუნდი კიდევ 35 მატჩს გამართავს, რის შემდეგაც დასრულდება პირველი წრე. ჩემპიონი ორწრიანი ტურნირის შემდეგ გამოვლინდება. 

გოგონები, უფროსი ასაკი (2004-05)

სამტრედია 30:8 თელავი

აჭარა 13:22 გორი 

წყალტუბო 12:22 მამული 

ბათუმი 12:26 პეგასი 

ტყიბული 18:27 ყვარელი 

ქუთაისი 0:17 ქარიშხალა 

თელავი 17:28 ფოთი

კომენტარები

ბოლო ამბები