- ბაჩანა არაბულმა ქსანთისთან მატჩში 2 გოლი გაიტანა
- ქართველი ფორვარდის გუნდი მაინც ბოლო ადგილზე რჩება
25 წლის ქართველმა ფორვარდმა ბაჩანა არაბულმა საბერძნეთის ჩემპიონატის მე-10 ტურში დუბლი შეასრულა, მისმა პანიონიოსმა კი ქსანთისთან სტუმრად 2:1 მოიგო.
არაბულმა შეუცვლელად ითამაშა, გოლები კი 53-ე და 67-ე წუთებზე გაიტანა. ორივე შემთხვევაში, ბაჩანამ თანაგუნდელთა კარგი პასები მიიღო და ახლო მანძილიდან, ფაქტობრივად, ცარიელ კარში ურტყამდა.
📺 ბაჩანა არაბულის პირველი გოლი
📺 ბაჩანა არაბულის მეორე გოლი
შეგახსენებთ, რომ ქართველი თავდამსხმელი ათენელებს მიმდინარე სეზონის წინ შეუერთდა, ათივე მატჩში მიიღო მონაწილეობა და უკვე 5 გოლი შეაგდო.
პანიონიოსს აქტივში 2 მოგება და 2 ფრე გააჩნია და წესით, 8 ქულით მე-12 ადგილზე უნდა იყოს, თუმცა, ვინაიდან 6 ქულა დაკლებული აქვს, 2 ქულით ბოლო პოზიციაზე იმყოფება.
არაბულის გუნდს მომდევნო მატჩი სანაკრებო პაუზის შემდეგ, 23 ნოემბერს, შინ, ერთპიროვნულ ლიდერ პირეოსის ოლიმპიაკოსთან ელის.
კომენტარები