Thumbnail
  • 9 ნოემბერს ინდიანა დეტროიტს ქართველი ცენტრის გარეშე ეთამაშება
  • ტვინის მცირე შერყევა

გოგა ბითაძე ინდიანა პეისერსის მომდევნო მატჩს დეტროიტ პისტონსის წინააღმდეგ (9 ნოემბერი, თბილისის დროით 04:00) გამოტოვებს. ამის მიზეზი ტრავმაა, რომელიც მან ვაშინგტონ უიზარდსთან მოგებულ შეხვედრაში მიიღო - გოგას ერთ-ერთ ეპიზოდში მეტოქის იდაყვი თავში მოხვდა. 

ინდიანას ექიმებმა ტვინის მცირე შერყევა დააფიქსირეს და 20 წლის ქართველ ახალბედას დროებით დასვენება გამოუწერეს. 

NBA-ს 2019 წლის დრაფტის მე-18 ნომრად არჩეულმა გოგა ბითაძემ სეზონი ძალიან კარგად დაიწყო - მან ინდიანას 8-დან 6 თამაშში მიიღო მონაწილეობა. გოგა საშუალოდ 18.2 წუთს ატარებს მოედანზე და გუნდს 6.7 ქულით, 5.0 მოხსნით, 1.5 პასითა და 2.2 ბლოკით ეხმარება. 

📋 მეტი ამ თემაზე:

კომენტარები

ბოლო ამბები