- ჩემპიონი ისევ ენისეია, სადაც კაჭარავა და კიდევ რამდენიმე ქართველი თამაშობს
- 64 ლეგიონერიდან თითქმის ნახევარი ქართველია - 31
ბოლო დროს რუსეთის სარაგბო პრემიერ ლიგაში ქართველი ლეგიონერების რიცხვი რადიკალურად გაიზარდა - 8 გუნდიან ჩემპიონატში 31 ქართველი ირიცხება! 2 ნოემბერს პრემიერ ლიგის ფინალში ენისეიმ 27:13 დაამარცხა კრასნი იარი.
რუსეთის უკვე 10-გზის ჩემპიონის ღირსებას ამ სეზონში იცავდნენ დავით კაჭარავა, მიხეილ გაჩეჩილაძე, დავით მესხი და ნიკოლოზ ხატიაშვილი. ევროთასებისთვის ალექსანდრ პერვუხინმა გუნდში მიიწვია რობერტ სუთიძე და ნიკოლოზ სუხაშვილი.
პრემიერ ლიგაში მესამე ადგილზე გასული სლავიას მთავარი მწვრთნელი ქართველი გია ამირხანაშვილია.
Tier 2 Rugby-ის მიხედვით, ახლა რუსეთში ყველაზე მეტი ქართველი თამაშობს - 31. და ეს მაშინ, როცა ერთ გუნდში 8 ლეგიონერზე მეტი არ შეიძლება (სულ 64 ლეგიონერი).
მეორე ადგილზე არიან მსოფლიოს ჩემპიონი ქვეყნის, სამხრეთ აფრიკის წარმომადგენლები - 13. რუსეთში 6 ახალზელანდიელი და 4 მოლდოველი თამაშობს. 2-2 ფიჯელი, ლატვიელი, ტონგელი და უკრაინელი, თითო არგენტინელი და ბენინელი.
სხვათა შორის, ბენინელი მოთამაშეა პასკალ კინუოვო. ბენინი კი საერთოდ არ არის მსოფლიო რეიტინგში.
კომენტარები