- მანჩესტერ იუნაიტედი 1:1 ლივერპული
- 1:0 - მარკუს რაშფორდი (36), 1:1 - ადამ ლალანა (85)
მანჩესტერ იუნაიტედმა პრემიერლიგის მეცხრე ტურის მატჩში, ოლდ ტრაფორდზე ლივერპულს უმასპინძლა და პირველადგილოსან მეტოქეს, 8 მატჩიანი მოგებათა სერია დაუსრულა.
შეხვედრაში ანგარიში დენიელ ჯეიმსის პასით მარკუს რაშფორდმა გახსნა, მერსისაიდელები გოლს აპროტესტებდნენ, რადგან თვლიდნენ, რომ გოლამდე ლინდელოფმა ორიგის წინააღმდეგ თამაშის წესები დაარღვია.
თუმცა, მარტინ ანტკინსონმა ინციდენტი ვიდე-ასისტენტთან გადაამოწმა და გოლი ჩათვალა. პირველივე ტაიმში ანგარიში სადიო მანემ გაათანაბრა, მაგრამ ამჯერად, ისევ VAR-ის გამოყენებით გოლი გააუქმეს.
ლივერპულიდან ანგარიშის გათანაბრება შეცვლაზე შემოსულმა - ადამ ლალანამ შეძლო, რომელსაც 2017 წლის შემდეგ არ ჰქონდა გატანილი. მატჩის დასრულებამდე ლივერპულელებს შეეძლოთ მატჩის მოგება, თუმცა ჯერ ოქსლეიდ-ჩემბერლენის დარტყმული ასცდა კარს, ხოლო შემდეგ ტრენტ ალექსანდრ-არნოლდის.
საინტერესო ფაქტები
⚽ სულშერი ერთადერთი მწვრთნელია, ვისაც კლოპი ერთხელ, ან მეტჯერ შეხვდა პრემიერლიგაში და დამარცხება ვერ მოახერხა.
⚽ მანჩესტერმა წელს მერვე მატჩში გაიტანა პირველამა და თამაში ვერ მოიგო, რაც ლიგის ანტი-რეკორდია.
⚽ 2001 წლის შემდეგ პირველად - ამ გუნდების დაპირისპირებაში გოლები ორივე მხრიდან ინგლისელმა გაიტანა (2001 - მაიკლ ოუენი და დევიდ ბექჰემი).
⚽ იუნაიტედს 1984 წლის შემდეგ სახლში ისეთი მატჩი არ წუგია, სადაც პირველი ტაიმი ჰქონდა მოგებული...
⚽ შარშანდელი სეზონიდან მოყოლებული არცერთ მცველს ენდრიუ რობერტსონზე მეტი საგოლე გადაცემა არ გაუკეთებია - 14! იგივე შედეგი აქვს ალექსანდრ-არნოლდს.
კომენტარები