Thumbnail
  • საქართველო V დანია - 20:00-სათზე მიხეილ მესხის სახელობის სტადიონზე
  • საქართველოს ნაკრებს 2-დან ორივე მატჩი წაგებული აქვს

საქართველოს ქალ ფეხბურთელთა ეროვნული ნაკრები წლის მესამე ოფიციალურ შეხვედრას თბილისში გამართავს. ლევან ბაჯელიძის გუნდი, დანიასთან დაგეგმილი მატჩისთვის ერთი კვირის განმავლობაში ემზადებოდა. მატჩამდე ბოლო ვარჯიში, ქალთა ნაკრებმა დავით პეტრიაშვილის სახელობის სტადიონზე გამართა. საქართველოსა და დანიის ქალთა ნაკრებების დაპირისპირება, მიხეილ მესხის სახელობის სათადარიგო მოედანზე, 8 ოქტომბერს 20:00 საათზე დაიწყება.

საქართველოს ნაკრები ჯგუფში ბოლოსწინა, მე-5 ადგილზეა. მათ ევროპის ჩემპიონატის 2021 წლის საკვალიფიკაციო ეტაპის პირველ ორ ტურში ორივე მატჩი დათმეს - ბოსნიასთან 1:7 დამარცხდნენ და იტალიასთან - 0:1.

საქართველოს ქალთა ნაკრების შემადგენლობა

მეკარეები: თეონა სუხაშვილი (ერეგლი ბელედიესპორი), თათია გაბუნია (ლანჩხუთი), თამარ ნადირაშვილი

მცველები: ნინო სუთიძე, ანი აკობიძე (ნიკე, თბილისი), მარიამ კალანდაძე (ლანჩხუთი), ელენე რაუხი (ნორჩი დინამო, თბილისი), გვანცა ქადაგიშვილი, თამარ ტატუაშვილი (ჰაკარი გიუჯუ, თურქეთი), ნათია სხირტლაძე (გორია იუნაიტედი), ნინო გურიელიძე (ნორჩი დინამო, თბილისი)

ნახევარმცველები: ნინო პასიკაშვილი, ხატია ჭყონია (ლანჩხუთი), თეონა თოდაძე (ლანჩხუთი), თეონა ბაქრაძე (ჰაკარი გიუჯუ, თურქეთი), მარიამ დანელია (ლანჩხუთი), ირინა ხაბურზანია (ლანჩხუთი), ანასტასია ბოლქვაძე (ნიკე, თბილისი), ნათია დანელია (ნიკე, თბილისი)

თავდამსხმელები: ანა ჩემინავა (ჟალგირის, ლიეტუვა), ლელა ჭიჭინაძე, ნათელა წოწერია (ლანჩხუთი), ტატა მატვეევა (ტენერიფე, ესპანეთი)

კომენტარები

ბოლო ამბები