- რაიო ვალეკანოსთან მარცხისა და შეცვლის მიუხედავად, ქართველი საუკეთესო არამხოლოდ ამ მატჩში იყო.
- გიორგიმ მიმდინარე ჩემპიონატში მეოთხედ ითამაშა სასტარტო შემადგენლობაში.
- სევილია ატლეტიკოს მდგომარეობა მძიმეა.
სევილია ატლეტიკოს ნახევარმცველი გიორგი აბურჯანია სეგუნდა დივიზიონის 26-ე ტურის სიმბოლურ ნაკრებში მოხვდა.
ქართველი ფეხბურთელის გუნდი ბოლო ტურში სტუმრად რაიო ვალეკანოსთან დამარცხდა - 0:2. გიორგი სასტარტო შემადგენლობაში იყო, 68-ე წუთზე კი, როდესაც ანგარიში 1:0 იყო, ის შეცვალეს.
მიუხედავად ამისა, აბურჯანიას საუკეთესო შეფება არამხოლოდ თავის გუნდში ჰქონდა. ქართველი ნახევარმცველი 8 ბალით, სეგუნდას კვირის სიმბოლურ ნაკრებში ლა ლიგის ოფიციალურმა გვერდმაც დაასახელა.
აი, მისი არასრული სტატისტიკა რაიოსთან შეხვედრაში, რომელსაც sofascore.com აქვეყნებს:
დრო - 68 წუთი.
ზუსტი პასი - 28 (84%).
მწვავე პასი - 2.
გრძელი პასი 5 (3).
საგოლე შანსი - 1.
კარში დარტყმა - 1.
დრიბლინგი (წარმატებული) - 3 (3).
ორთაბრძოლა (მოგებული) 17 (12).
ჩაჭრა - 2.
ართმევა - 6.
23 წლის გიორგი აბურჯანია სევილიას მეორე გუნდის ღირსებას მეორე სეზონია იცავს. ქართველმა ნახევარმცველმა მიმდინარე ჩემპიონატში 17 მატჩში ითამაშა, ძირითადში - სულ 4-ჯერ.
სევილია B-ს მდგომარეობა არასახარბიელოა. გუნდი ლა ლიგა 2-ის სატურნირო ცხრილში ბოლოსწინა, 21-ე ადგილზეა და გავარდნის ერთ-ერთი უმთავრესი კანდიდატია.
აბუჯრანიას გუნდი მომდევნო ტურში, 18 თებერვალს, შინ ალმერიას უმასპინძლებს.
კომენტარები