Thumbnail

ფაჩულია მოედანზე? გოლდენ სტეიტს ცენტრების კრიზისი აქვს - რას ამბობს სტივ კერი

ნიკო კვარაციხელი პროფილის ფოტო
ნიკო კვარაციხელი
  • გოლდენ სტეიტს ბოლო 3 დღეში სამი 'მაღალი' დაემტვრა
  • ჟურნალისტებმა სტივ კერს ზაზას დაბრუნებაზე კითხეს

სამი დღის განმავლობაში გოლდენ სტეიტმა ტრავმების გამო სამი კალათბურთელი დაკარგა, რომელთაც სტივ კერი ფარქვეშ თამაშისთვის მოაზრებს. 

ვილი კოლი-სტაინი დაახლოებით 1 თვეს ვერ ითამაშებს. ჯერ უცნობია, რამდენად მძიმეა კევონ ლუნისა და სერბი ახალბედის, ალენ სმაილაგიჩის ტრავმები. კერს სიტუაციიდან გამოსაძრომად კრეატიული გადაწყვეტილებების მიღება მოუწევს.

ერთი ასეთი გადაწყვეტილება ამერიკელი ჟურნალისტების თავში დაიბადა - მოგეხსენებათ, გოლდენ სტეიტში მუშაობა დაიწყო ზაზა ფაჩულიამ, რომელმაც NBA-ში 16 სეზონი გაატარა, მათ შორის ორი საჩემპიონო გოლდენ სტეიტში. ხომ არ გადაიფიქრებს ზაზა (დროებით) კარიერის დასრულებას, სანამ უორიორს ცენტრის პოზიციაზე კრიზისი აქვს.

მეტი ამ თემაზე

The Mercury News-ს სტივ კერმა ასეთი პასუხი გასცა: "ზაზა? ახლოსაც არ არის სიმართლესთან".

სტივ კერი პრობლემის გადაჭრის სხვა გზას მოძებნის. ასე რომ, თუ ვინმეს ამერიკული ჟურნალისტების მსგავსად, ზაზას მოედანზე დაბრუნების იმედი გაუჩნდა, სამწუხაროდ, ეს არ მოხდება. 

კომენტარები

ბოლო ამბები