Thumbnail
  • მსოფლიოს 8 ქართველი ჩემპიონი 34 დღეში
  • ტოკიო - ნურ-სულთანი - პატაია

ყველაფერი ძიუდოს სამშობლოში 25 აგვისტოს დაიწყო, როცა მსუბუქწონოსანმა ლუხუმ ჩხვიმიანმა ძიუდოს სამყარო აალაპარაკა და ტოკიოში მსოფლიოს ჩემპიონის ტიტული მოიგო. ქართველ სპორტსმენთა წარმატებების კულმინაცია კი სიამის ყურეში ლაშა ტალახაძის ტრიუმფი გამოდგა, რომელმაც 27 სექტემბერს მსოფლიოს ჩემპიონობას 3 მსოფლიო რეკორდი დაუმატა. ეს ერთთვიანი მონაკვეთი ოქროს პერიოდი გამოდგა ქართული სპორტისთვის...

25 აგვისტოდან 27 სექტემბრამდე შუალედში 8 ქართველმა ათლეტმა მოიპოვა პლანეტის ჩემპიონის ტიტული ოლიმპიურ სახეობებში. ასეთი საოცარი თვე ადრე ქართული სპორტის ისტორიაში არ გვახსენდება. ბუნებრივია, აქ ოლიმპიურ თამაშებს არ ვგულისხმობთ, ის კიდევ სულ სხვა განზომილებაა..

1. ვინ თქვა ჩხვიმიანი ტურისტად მიდისო...

არ ვიცით ვინ თქვა ეს სიტყვები, მაგრამ ფაქტია, ამ ფრაზამ მომავალ მსოფლიოს ჩემპიონს მოტივაცია გაუათმაგა და მანაც ძიუდოს სამშობლოში პირველი ოქროს მედალი მოიპოვა. მსოფლიოს ჩემპიონობისკენ მიმავალ გზაზე 60 კილო წონით კატეგორიაში მოასპარეზე ქართველმა 7 ორთაბრძოლა მოიგო და სულ მე-7 ძიუდოისტი გახდა, ვინც საქართველოს სახელით მსოფლიოს ჩემპიონის ტიტული მოიპოვა! როგორც აღმოჩნდა, ტოკიოს მსოფლიოს ჩემპიონატზე ეს ერთადერთი ქართული ოქრო იყო.

ლუხუმ ჩხვიმიანის გზა მსოფლიოს ჩემპიონობამდე

ლუხუმ ჩხვიმიანის გზა მსოფლიოს ჩემპიონობამდე

Posted by Silk Sport on ორშაბათი, 02 სექტემბერი, 2019

2. ოქრო 12-წლიანი პაუზის შემდეგ

ძიუდოისტებისგან ესტაფეტა ბერძნულ-რომაული სტილით მოჭიდავეებმა გადაიბარეს. 14 სექტემბერს ყოფილ ასტანაში (ნურ-სულთანი) მსოფლიოს ჩემპიონატიც ქართული ტრიუმფით დაიწყო და თან ეს ორმაგი იყო. პირველმა 55 კგ წონით კატეგორიაში მოჭიდავე ნუგზარ წურწუმიამ გაიმარჯვა. პირველ დღეს ის ფინალში გავიდა, 15-ში კი მასპინძელი მეტოქეც 9:0 გაანადგურა. ბერძნულ-რომაულ ჭიდაოაბში ეს დიდი მოვლენა იყო ქართული სპორტისთვის, რადგან აქამდე ამ სახეობაში 12 წლის განმავლობაში არ გვყოლია მსოფლიოს ჩემპიონი.

ნუგზარ წურწუმია მსოფლიოს ჩემპიონია!!!

ნუგზარ წურწუმია მსოფლიოს ჩემპიონია!!! გილოცავთ, 12-წლიანი პაუზის შემდეგ საქართველოს მსოფლიოს ჩემპიონი ჰყავს ბრწყინვალე გამარჯვება

Posted by Silk Sport on კვირა, 15 სექტემბერი, 2019

3. ორი ოქრო ერთ დღეს

პირველს მეორე წუთებში მოყვა - ფინალში ლაშა გობაძეც იყო გასული და მანაც გვასახელა - 82 კილოში მოასპარეზე ქართველმა ფინალში აზერბაიჯანელი ჰუსეინოვი დაამარცხა და საქართველოს მეორე ოქროს მედალი მოუტანა. ასე რომ, 15 სექტემბერს ჩვენ ორი ოქრო მოვიპოვეთ. 

ლაშა გობაძეც მსოფლიოს ჩემპიონია!!!

ლაშა გობაძეც მსოფლიოს ჩემპიონია!!! ზედიზედ მეორე ოქრო ბერძნულ-რომაულ ჭიდაობაში, 12-წლიანი პაუზის შემდეგ ლაშამ აზერბაიჯანელ ჰუსეინოვს 5:3 მოუგო

Posted by Silk Sport on კვირა, 15 სექტემბერი, 2019

4. გენო, ზედიზედ მესამედ!

თავისუფალი სტილით მოჭიდავეები ოქროს ტურნირის ბოლოსკენ მოესწრნენ - ჩვენი მძიმეწონოსანი გენო პეტრიაშვილი ფინალში ტრადიციულ მეტოქეს, თურქ ტაჰა აკგულს დაეჭიდა. ეს იყო ჭიდაობის კლასიკა თავისუფალში, რომელიც გენომ მოიგო და ზედიზედ მესამედ გახდა მსოფლიოს ჩემპიონი. 

გენო პეტრიაშვილი მსოფლიოს ჩემპიონია!!! თურქი აკგული დამარცხებულია

გენო პეტრიაშვილი მსოფლიოს ჩემპიონია!!! სასწაული ემოცია და ფანტასტიკური გამარჯვება მსოფლიოს ჩემპიონატის ფინალში!!! გილოცავთ <3 <3 <3

Posted by Silk Sport on შაბათი, 21 სექტემბერი, 2019

5. დამარცხებული რუსი

მეორე დღეს კიდევ ერთ ოქროს ველოდით - ბექა ლომთაძე რუს იდრისოვს ხვდებოდა. 61 კილოში მოასპარეზე ქართველმა  ფინალი 6:1 მოიგო და მსოფლიოს ჩემპიონი გახდა! 

ბექა ლომთაძე მსოფლიოს ჩემპიონია!!!

ბექა ლომთაძე მსოფლიოს ჩემპიონია!!! ქართველმა მოჭიდავემ ფინალში რუსი მეტოქე 6:1 გაანადგურა გილოცავთ ამ დიდ წარმატებას!

Posted by Silk Sport on კვირა, 22 სექტემბერი, 2019

6. მსოფლიოს ჩემპიონი ატაცში

ძიუდოდან ჭიდაობამდე, ჭიდაობიდან - ძალოსნობამდე - ტაილანდის ქალაქ პატაიაში მსოფლიოს ჩემპიონატი გაიმართა და აბა, უქართველებოდ როგორ... 23 სექტემბერს რევაზ დავითაძემ ატაცში 172 კილოგრამი დააფიქსირა და მსოფლიოს ჩემპიონიც გახდა. ორჭიდის ჯამში ის ბრინჯაოს დასჯერდა. 

რეზი დავითაძე ატაცში მსოფლიოს ჩემპიონია!!! გილოცავთ!!!

რეზი დავითაძე ატაცში მსოფლიოს ჩემპიონია!!! გილოცავთ!!!

Posted by Silk Sport on ორშაბათი, 23 სექტემბერი, 2019

7. სენსაციური ანტონი

უკრაინიდან საქართველოში გადმოსულმა ანტონ პლესნოიმ ნამდვილი სენსაცია მოახდინა - ძალოსანმა ატაცში 181 კილოგრამის აწევით მცირე ოქროს მედალი მოიპოვა და ორჭიდის ჯამში დავითაძის დარად ბრინჯაოს შეწვდა.

ანტონ პლესნოი მსოფლიოს ჩემპიონია - მან 181 კილოგრამი აიტაცა

ანტონ პლესნოი მსოფლიოს ჩემპიონია - მან 181 კილოგრამი აიტაცა

Posted by Silk Sport on სამშაბათი, 24 სექტემბერი, 2019

8. ყველაზე ძლიერი მსოფლიოში

კულმინაცია სოხუმის დაცემის დღეს, 27-ში ვიხილეთ - ჩვენმა საუკეთესო სპორტსმენმა ლაშა ტალახაძემ უახლოეს კონკურენტს 24 კილოგრამით აჯობა და თან მსოფლიოს სამი რეკორდი დაამყარა - ჯამში მან 484 კილოგრამი დაძლია. ლაშა ტალახაძე უკვე 4-გზის მსოფლიოს ჩემპიონია!  

ლაშა ტალახაძე ატაცში მსოფლიოს ჩემპიონია!!! გილოცავთ

ლაშა ტალახაძე ატაცში მსოფლიოს ჩემპიონია!!! გილოცავთ ისევ რეკორდი და ისევ დიდი წარმატება - 220 კილოგრამი ატაცში <3

Posted by Silk Sport on პარასკევი, 27 სექტემბერი, 2019

კომენტარები

ბოლო ამბები