- უოტფორდის მეკარეს ეშინოდა, რომ მატჩი ორნიშნა ანგარიშით მორჩებოდა
- ჟერარ დეულოფეუს ძირითადი საქმე თამაშის ცენტრიდან დაწყება იყო
გაბრაზებულ სიტისთან თამაში სახარბიელო რომ არ არის, ეს ამბავი პრემიერლიგაში დიდი ხანია ცნობილია. ნორვიჩთან მარცხის შემდეგ სიტი უოტფორდს გაუსწორდა (8:0).
თამაშის შემდეგ უოტფორდის მეკარე ბენ ფოსტერმა აღნიშნა, რომ სიტის უპირატესობა იმდენად მასშტაბური იყო, რომ შესვენაბაზე 0:5-ზეც კი კმაყოფილი იყო.
"როცა მეოცე წუთისთვის 0:5 იყო, ვფიქრობდი, რომ ორნიშნა ანგარიშით წავაგებდით. ძალიან გამიხარდა, როდესაც შესვენებისთვის ეს ანგარიში შენარჩუნდა."
კიდევ ერთი სტატისტიკური დეტალი, რომელიც სიტის უპირატესობას გამოხატავს. უოტფორდის ფორვარდმა ჟერარ დეულოფეუმ 14-დან 13 ზუსტი პასი გააკეთა. უოტფორდის ფორვარდის სიზუსტის საიდუმლო ის არის, რომ დეულოფეუმ 8 პასი ცენტრიდან ბურთის გათამაშების შემდეგ შეასრულა - 7 პასით სიტის გოლების შემდეგ განაახლა თამაში, ერთით კი მეორე ტაიმი დაიწყო.
კომენტარები