- ახლა უკვე ოფიციალურად: კალუმ ჰადსონ-ოდოიმ ჩელსისთან ახალი კონტრაქტი გააფორმა
- 18 წლის შემტევი ლონდონურ კლუბში კიდევ მინიმუმ 5 წელი ითამაშებს
მიუნხენის ბაიერნში იშვიათად აკონკრეტებენ ხოლმე იმ ფეხბურთელების გვარებს, რომელთა შეძენაც სურთ. 18 წლის ინგლისელი ტალანტი კალუმ ჰგადსონ-ოდოი იშვიათი გამონაკლისი იყო. გერმანული გრანდი მთელი ზაფხულის განმავლობაში ცდილობდა უნიჭიერესი შემტევის შეძენას და ამას არც მალავდა, მაგრამ ვერაფრით მოახერხა. ახლა კი, ლონდონის ჩელსიმ ოფიციალურად დაადასტურა, რომ ჰადსონ-ოდოიმ ‘არისტოკრატებთან’ ახალი კონტრაქტი გააფორმა, რომელიც 5-წლიანია და ვადა 2024 წლის 30 ივნისამდე აქვს. რეკორდმაისტერში ეს ამბავი არავის გაუხარდებოდა.
ზაფხულში ფეხბურთელი არ ამბობდა, რომ ჩელსიში დარჩენა სურდა, მაგრამ როგორც ჩანს, ლონდონელთა ახალმა მწვრთნელმა ფრენკ ლამპარდმა 2017 წლის U17 მსოფლიოს ჩემპიონს წასვლა გადააფიქრებინა. ჰადსონ-ოდოი ტამი აბრაამთან (21 წლის, 7 გოლი 5 თამაშში) და მეისონ მაუნტთან (20 წლის, 3 გოლი 5 თამაშში) ერთად ჩელსის ერთ-ერთი წამყვანი მოთამაშეა.
“ეს არის ამბავი, რომელსაც ყველა მოუთმენლად ელოდა,” - წერს ჩელსი ტვიტერზე. ჰადსონ-ოდოი ახლახან გამოჯანმრთელდა და ჯერ 23-წლამდელთა გუნდში ითამაშებს, მერე კი პირველ გუნდს დაუბრუნდება. ლამპარდი მასზე უდიდეს იმედებს ამყარებს.
📺 ვიდეო: კალუმ ჰადსონ-ოდოის გოლები ჩელსიში
კომენტარები