- 31 აგვისტოს ჩინეთში მსოფლიოს ჩემპიონატი იწყება
- ესპანელთა 12 კაციან განაცხადში 4 კალათბურთელი NBA-ს წარადგენს
31 აგვისტოს ჩინეთში საკალათბურთო მსოფლიოს ჩემპიონატი იწყება. ტურნირის ერთ-ერთი ფავორიტის, ესპანეთის ნაკრების თავკაცმა იტალიელმა სერჯო სკარიოლომ საბოლოო, 12-კაციანი შემადგენლობა დაასახელა.
ესპანეთის ნაკრები
გამთამაშებლები: რიკი რუბიო, ქვინო კოლომი, სერხიო ლული
მსროლები: რუდი ფერნანდესი, პაუ რიბასი, ჩავი რაბასედა
ფორვარდები: ხუანჩო ერნანგომესი, ხავიერ ბეირანი
მძიმე ფორვარდები: ვიკტორ კლავერი, პიერე ორიოლა
ცენტრები: მარკ გასოლი, ვილი ერნანგომესი
სკარიოლომ ბოლოს ორი კალათბურთელი გაცხრილა: ილიმანე დიოპი (ბასკონია) და ხაიმე ფერნანდესი (უნიკახა). მადრიდში დომინიკელებთან ამხანაგურ მატჩში მწვრთნელი უკვე ამ 12-ეულს დაეყრდნობა. ამის შემდეგ ესპანეთის ნაკრები ნინგბოში გაემგზავრება, სადაც არგენტინასა და რუსეთს ეთამაშება.
რუბიო, გასოლი და ერნანგომესები NBA-ს კალათბურთელები არიან. დანარჩენები ACB ლიგის კლუბებში თამაშობენ.
მსოფლიოს ჩემპიონატზე პირველად ითამაშებენ კოლომი, ბეირანი და რაბასედა. ესპანეთის ნაკრებს მსოფლიოს ჩემპიონატი ერთხელ აქვს მოგებული (2006).
კომენტარები