Thumbnail
  • ლაშა ტალახაძემ საქართველოს ჩემპიონატში ახალი რეკორდი დაამყარა
  • ტიტულოვანმა ქართველმა ძალოსანმა ატაცში 219 კგ-იანი შტანგა დაძლია

მსოფლიოს საუკეთესო ძალოსანმა, ოლიმპიურმა, მსოფლიოსა და ევროპის ჩემპიონმა ლაშა ტალახაძემ საქართველოს ჩემპიონატში ატაცში 219 კგ დაძლია და ამით მსოფლიოს რეკორდი ერთი კილოგრამით გააუმჯობესა, რომელიც მასვე ეკუთვნის.

ლაშა ტალახაძის რეკორდი!

ლაშა ტალახაძის ახალი რეკორდი! მსოფლიოს საუკეთესო ძალოსანმა საქართველოს ჩემპიონატზე ატაცში 219 კგ. დაძლია , რაც მსოფლიო რეკორდს 1 კილოგრამით აჭარბებს! აღსანიშნავია, რომ წინა რეკორდიც ქართველ ოლიმპიურ, მსოფლიოსა და ევროპის ჩემპიონს, მსოფლიოს საუკეთესო ძალოსანს ლაშა ტალახაძეს ეკუთვნის!

Posted by Georgian Weightlifting Federation საქართველოს ძალოსნობის ეროვნული ფედერაცია on შაბათი, 17 აგვისტო, 2019

თუმცა, ვინაიდან შიდა ჩემპიონატებში ნაჩვენები შედეგები მსოფლიო რეკორდებში არ ითვლება, 25 წლის ქართველი ძალოსნის მიღწევას მსოფლიოს არაოფიციალური რეკორდი შეიძლება ვუწოდოთ. მსოფლიო რეკორდად ოლიმპიურ თამაშებში, მსოფლიოსა და ევროპის ჩემპიონატებზე ნაჩვენები შედეგი ითვლება.

საქართველოს ჩემპიონატი ძალოსნობაში დიღომში, ოლიმპიურ სოფელში მდებარე ფრენბურთის არენაზე მიმდინარეობს (15-17 აგვისტოს) და მასში 12 რაიონის 100-მდე სპორტსმენი მონაწილეობს.

ლაშა ტალახაძეს რეკორდის ოფიციალურად გაუმჯობესების შანსი მსოფლიოს ჩემპიონატზე ექნება, რომელიც 17 სექტემბერს, ტაილანდში აიღებს სტარტს.

კომენტარები

ბოლო ამბები