- ვესტ ჰემი 0:5 მანჩესტერ სიტი
- რაჰიმ სტერლინგმა პრემიერლიგა ჰეთ თრიკით დაიწყო
- VAR-მა პრემიერლიგის ისტორიაში პირველი გოლი გააუქმა
ინგლისის 2019/20 წლების პრემიერლიგა ხურდება. პარასკევს ჯერ ვიცე-ჩემპიონმა ლივერპულმა მოიგო იოლად, შაბათს კი მას არც ჩემპიონი ჩამორჩა. მანჩესტერ სიტი სათამაშოდ ლონდონში ჩავიდა, სადაც ვესტ ჰემს უპრობლემოდ გაუმკლავდა - 5:0.
ამ თამაშში იყო ბევრი გატანილი და ერთი გაუქმებული გოლი, მოგერიებული და ხელმეორედ შესრულებული 11-მეტრიანი, VAR-ზე გადამოწმებული ბევრი ეპიზოდი...
პეპ გვარდიოლას შეგირდებმა თამაში არცთუ მაღალ ტემპში დაიწყეს. ანგარიში ტაიმის შუაში გახსნეს - თავი გაბრიელ ჟეზუშმა გამოიჩინა. 25-ე წუთზე კაილ უოკერი ფლანგზე გაიჭრა და მასპინძელთა საჯარიმოში ჩააწოდა. ბურთი ისა დიოპს მოხვდა, მაგრამ კარში ჟეზუშისაგან შევარდა - 0:1.
დანარჩენი ოთხი გოლი შესვენების შემდეგ გავიდა და ჰეთ თრიქით კი რაჰიმ სტერლინგი გამოირჩა. 51-ე წუთზე სტერლინგს ასისტენტობა კევინ დე ბრუინმა გაუწია, დანარჩენ ორ შემთხვევაში კი სტერლინგის ასისტენტი რიად მაჰრეზი იყო, ერთი გოლიც პენალტის ნიშნულიდან სერხიო აგუერომ გაიტანა.
საინტერესო ფაქტები
⚽ მანჩესტერ სიტიმ ელიტაში პირველ ტურში ყველაზე დიდი ანგარიშით მოიგო კლუბის ისტორიაში
⚽ რაჰიმ სტერლინგი დიდიე დროგბას (2010) შემდეგ პირველი ფეხბურთელია, ვინც პრემიერლიგის პირველ ტურში ჰეთ თრიკი შეასრულა.
⚽ რაჰიმ სტერლინგი პრემიერლიგის ისტორიაში მერვე ფეხბურთელია, ვინც პირველ ტურში ჰეთ თრიკი შეასრულა
⚽ სერხიო აგუეროს პრემიერლიგის პირველ ტურებში 7 გოლი აქვს, მეტი გოლი მხოლოდ უეინ რუნიმ, ფრენკ ლამპარდმა და ალან შირერმა (8-8) გაიტანეს.
⚽ მანჩესტერ სიტიმ "ლონდონ სტედიუმზე" უკვე 18 გოლი გაიტანა, ორჯერ მეტი, ვიდრე მეორე ადგილზე მყოფმა კლუბმა.
⚽ გაბრიელ ჟესუშს უკვე ხუთი თამაშია, რაც აუცილებლად გააქვს სიტის მაისურით ლონდონში (როცა სასტარტოშია).
⚽ როდრი ერნანდესის პასების 96% ზუსტი იყო.
⚽ გაბრიელ ჟეზუში პირველი ფეხბურთელია პრემიერლიგაში, ვისი გოლიც VAR-მა გააუქმა.
ვესტ ჰემი 0:5 მანჩესტერ სიტი
გოლები: 0:1 ჟეზუში (25’), 02: სტერლინგი (51’), 0:3 სტერლინგი (75’), 0:4 აგუერო (86’), 0:5 სტერლინგი (90+1)
ვესტ ჰემი (4-2-3-1): ფაბიანსკი - ფრედერიქსი, ბალბუენა, დიოპი, კრესველი - უილშირი (56’ სნოდგრასი), რაისი - ანდერსონი (66’ ერნანდესი), ლანსინი, ანტონიო (46’ ფორნალსი) - ალერი
მანჩესტერ სიტი (4-3-3): ედერსონი - უოლკერი, სტოუნსი, ლაპორტი, ზინჩენკო - დე ბრუინი (79’ გიუნდოგანი), როდრი ერნანდესი, დავიდ სილვა (80’ ფოდენი) - მაჰრეზი, ჟეზუში (69’ აგუერო), სტერლინგი
კომენტარები