- ვიტესი 2:2 აიაქსი
- 1:0 შუურსი (13 ავტოგოლი), 1:1 ვან დე ბეეკი (30), 2:1 ბაზოერი (55), 2:2 ტადიჩი (75)
ერედივიზიეს პირველ ტურში ამსტერდამის აიაქსი ვიტესს ესტუმრა და ფრედ 2:2 ეთამაშა. მოქმედი ჩემპიონები შეხვედრას 2-ჯერ აგებდნენ, თუმცა ორივეჯერ გაათანაბრეს და პირველ ტურში მხოლოდ ქულა მოიპოვეს.
მასპინძლები მე-13 წუთზე შუურსის ავტოგოლით დაწინაურდნენ. ბეროს დარტყმის შემდეგ ბურთი ჰოლანდიელ მცველს მოხვდა და ისე შეგორდა ონანას კარში. აიაქსმა პირველი ტაიმი არ წააგო - წონასწორობა დონი ვან დე ბეეკმა აღადგინა - 1:1.
ვიტესი მეორე ტაიმში 55-ე წუთზე ისევ წინ გავიდა. ბაზოერმა ამსტერდამელებს მე-2 გოლი ლამაზი დარტყმით გაუტანა. აიაქსმა დუშან ტადიჩის გოლით გაათანაბრა. შარშანდელი სეზონის ბომბარდირმა ვიტესს 75-ე წუთზე გაუტანა და მატჩის საბოლოო ანგარიში დააფიქსირა - 2:2.
მიუხედავად იმისა, რომ ერიკ ტენ ჰაგის გუნდი 2-ჯერ აგებდა, თამაშის მოგება მაინც შეეძლო, მაგრამ ამსტერდამელებმა ბაზოერის გაძევებით შექმნილი რიცხობრივი უპირატესობა ვერ გამოიყენეს.
აიაქსი მე-2 ტურში ემენს უმასპინძლებს, ხოლო ვიტეს ვილემს დაუპირისპირდება.
კომენტარები