Thumbnail

'იმედგაცრუებული ვარ' - ტოჩინოშინი ნაგოია ბაშოზე ვეღარ გამოვა

ჯიმი ოლსენი პროფილის ფოტო
ჯიმი ოლსენი
  • ტოჩინოშინს 5-დან 5 ბრძოლა წაგებული აქვს
  • ტრავმის გამო, ქართველ სუმოისტს ნაგოია ბაშოზე ასპარეზობა უჭირს

ქართველმა სუმოისტი, ლევან გორგაძე ნაგოია ბაშოზე ასპარეზობას დაასრულებს. მას 5-დან 5 ბრძოლა აქვს წაგებული და ტრავმის გამო, ჭიდაობა ძალიან უჭირს.

NHK-ს ინფორმაციით, ქართველმა ოძეკიმ იაპონიის სუმოს ასოციაციას მიმართა და წლის მე-4 სუპერტურნირზე შეწყვეტს. ტოჩინოშინი კადობანში ჩადგება და მას ოძეკის სტატუსის დაცვა სექტემბრის ბაშოზე მოუწევს.

ლევანს სექტემბერში გასამართ ბაშოზე დადებითი ბალანსის დაფიქსირება დასჭირდება. ქართველმა სუმოისტმა აკი ბაშოზე 15-დან 8 ბრძოლა უნდა მოიგოს. ფაქტია, რომ ქართველს ორმაგმა ტრავმამ ძალიან შეუშალა ხელი - ერთი ტრავმა მუხლზე და მეორე მხარზე, რომელიც ნაგოია ბაშომდე მიიღო.

'მარჯვენა მუხლზე სერიოზული პრობლემები მაქვს. ვარჯიშის დროს დიდ ტკივილს ვგრძნობდი, რის გამოც არ შემიძლია მაქსიმუმის გაკეთება. ჩემი ძალის ნახევარსაც ვერ ვავლენ. ეს დიდი იმედგაცრუებაა - იმედგაცრუებული და დამწუხრებული ვარ.' - განაცხადა ტოჩინოშინმა NHK-სთან.

კომენტარები

ბოლო ამბები