- დიდი სენსაცია თბილისის დინამო მერანმა გამოაგდო
- მეოთხედფინალში ეროვნული ლიგის 4 გუნდი გავიდა
საქართველოს თასზე მერვედფინალური ეტაპის შეხვედრები გაიმართა. თბილისის დინამომ თბილისის მერანთან მატჩი 0:1 დათმო. შეხვედრის ერთადერთი გოლი დამატებით დროში გოგი ფიფიამ გაიტანა, რომელმაც თერთმეტმეტრიანი დარტყმა ზუსტად გამოიყენა.
რუსთავმა სიონს უმასპინძლა და მეტოქეს ლუკა სილაგაძის და თემურ ჩოგაძის გოლებით 2:0 მოუგო. ეროვნული ლიგის გუნდებიდან მომდევნო ეტაპზე ლოკომოტივი, საბურთალო და ტორპედო გავიდნენ.
ლოკომ თელავს ირაკლი სიხარულიძის გოლით მოუგო და თასის მეოთხედფინალში ასპარეზობის უფლება მოიპოვა.
ქუთაისის ტორპედომ გაგრა 3:2 დაამარცხა, ხოლო ქვეყნის მოქმედმა ჩემპიონმა საბურთალომ სამტრედიას 2:1 სძლია.
სხვა შედეგები
გარეჯი 3:3 სპაერი (პენ 4:2)
მარტვილის მერანი 3:0 გურია
თბილისი სითი 3:1 ზუგდიდი
კომენტარები