- NBA-ს დრაფტი 20 ივნისს ბრუკლინში გაიმართება
- გოგა ბითაძემ შარლოტ ჰორნეტსში ივარჯიშა
გოგა ბითაძემ NBA-ს დრაფტის წინ ბოლო ვარჯიში გამართა - ის შარლოტ ჰორნეტში მიიწვიეს.
"დიდი მადლობა კლუბს ძალიან კარგი ვორქაუთი გვქონდა, ერთ-ერთი საუკეთესო. აქ ბევრი კარგი ადამიანი გავიცანი. შარლოტის დარბაზი საოცარია, ყველაფერი უმაღლეს დონეზეა. ჩემთვის ძალიან კარგი გამოცდილება იყო", - განაცხადა გოგამ ვორქაუთის შემდეგ.
ბითაძის ვარჯიში შარლოტში
"დრაფტზე დადგომის გადაწყვეტილება წლის დასაწყისშივე მივიღეთ. გუნდიც ძალზე დახმარა ამაში", - თქვა ბითაძემ.
ინტერვიუ
Charlotte Observer აღფრთოვანებულია ბითაძით. გამოცემას მიაჩნია, რომ ის შარლოტისთვის კარგი შენაძენი იქნებოდა.
"ძველი სკოლის NBA-ს ცენტრები მოდაში აღარ არიან - მოთამაშეები, რომლებიც ერთი ფარიდან მეორესკენ გარბოდნენ და ფარზე ბრძოლის გარდა არაფერი ევალდებოდათ.
ახლა მათ ცვლიან ისეთი ცენტრები, როგორიც გოგა ბითაძეა, რომელიც 3-ქულიანებს 40%-იანი სიზუსტით ისვრის. მან ეს დღეს შარტლოტ ჰორნეტსის ვორქაუთზეც დაამტკიცა", - წერს გამოცემა.
გამოცემას მიაჩნია, რომ თავად ბითაძეც მოიხიბლა შარლოტით - "ეს ხომ მაიკლ ჯორდანის გუნდია. აქ თამაში საოცარი პატივია", - უთხრა გოგამ Charlotte Observer-ს.
შეგახსენებთ, რომ შარლოტ ჰორნეტსს დრაფტზე მე-12 ნომრად არჩევის უფლება აქვს. NBA-ს დრაფტი ბრუკლინში 20 ივნისს (საქართველოში 21-ის ადრეული დილით) გაიმართება.
მეტი ამ თემაზე:
კომენტარები