- კიდევ ერთი დასტური იმისა, რომ ფეხბურთი სპორტის N1 სახეობაა
- გრენლანდიური ფეხბურთი მთებს, ოკეანეებსა და ყინულებს შორის
ორი აზრის არ არსებობს, ფეხბურთი სპორტის N1 სახეობაა და მას ყველგან, ქვეყნიერების დასალიერშიც კი თამაშობენ, მაგალითად, უკიდურეს ჩრდილოეთში, ატლანტიკური და ჩრდილო-ყინულოვანი ოკეანეებით გარშემორტყმულ გრენლანდიაზეც.
გრენლანდიას, რომელიც დანიის სამეფოს ავტონომიური ერთეულია, აქვს თავისი ფეხბურთის ფედერაცია და მიუხედავად იმისა, რომ ფიფას წევრი არაა, შიდა ჩემპიონატს ყოველწლიურად ატარებს.
გრენლანდიის მოსახლეობა 60 ათასსაც არ აღწევს, მის მიწაზე კი ბალახიც გაჭირვებით ხარობს და თანამედროვე სტანდარტების სტადიონებს, რა თქმა უნდა, აქ ვერ ნახავთ. სამაგიეროდ, შეხვდებით აი, ასეთ არენას - ხელოვნური საფარითა და შთამბეჭდავი პეიზაჟით, რომელიც ადგილობრივ კლუბ G-44-ს ეკუთვნის. ცნობისთვის, გრენლანდიაში მიღებულია კლუბების სახელწოდებების შემოკლება. ამ შემთხვევაშიც - G პირველი ასოა კლუბის სრული სახელწოდებიდან (Godhavn-44 Qeqertarsuaq), 44 კი - დაარსების წელი.
რაც შეეხება სტადიონს, მას ტრიბუნებიც კი არ აქვს და ალბათ, არც სჭირდება - მთავარია, გიყვარდეს ფეხბურთის, მთების, აისბერგებისა და ოკეანეების ყურება და კომფორტულად როგორმე მოთავსდები.
კომენტარები