Thumbnail

'მოდი, ვილაპარაკოთ სექსზე' - იურგენ კლოპი ინტერვიუს დროს ამღერდა

ლუკა გაბიდაური პროფილის ფოტო
ლუკა გაბიდაური
  • ლივერპულის თავკაცმა ჩემპიონთა ლიგის ფინალის შემდეგ 90-იანების ჰიტი იმღერა 
  • ოღონდ, 51 წლის გერმანელმა სპეციალისტმა სიმღერის ტექსტში ცვლილებები შეიტანა 

ლივერპულის მთავარმა მწვრთნელმა იურგენ კლოპმა, ჩემპიონთა ლიგის ფინალური შეხვედრის შემდეგ, ინტერვიუს დროს, ამერიკული ჰიპ-ჰოპ ჯგუფის, Salt-N-Pepa-ის ცნობილი სიმღერა - Let's Talk About Sex წაიმღერა. 

ოღონდ, 51 წლის გერმანელმა სპეციალისტმა სიმღერისას სიტყვა sex შეცვალა six-ით, რითაც ხაზი ჩემპიონთა ლიგის ისტორიაში ლივერპულის მეექვსე ტრიუმფს გაუსვა. ამასთან, ჯილდო მეექვსეა იურგენ კლოპის სამწვრთნელო კარიერაშიც.

"ყოველთვის გამოჩნდებიან ისეთი ადამიანები, რომლებიც გეტყვიან: "კი, მაგრამ შენ ვერ მოიგე". მაგრამ ჩემო კარგო, მოდი ახლა ვილაპარაკეთო ექვსზე. ვილაპარაკოთ შენზე და ჩემზე. მოდი, ვილაპარაკოთ კარგსა და ცუდზე, რაც შეიძლება მოხდეს", - წაიმღერა კლოპმა.

მეტი ამ თემაზე: 'ეს საუკეთესოა, რაც ჩვენს პროფესიულ ცხოვრებაში მომხდარა' - ამბობს იურგენ კლოპი

ჩემპიონთა ლიგის 2018/19 წლების სეზონის გადამწყვეტ შეხვედრაში, რომელიც მადრიდში, "ვანდა მეტროპოლიტანოზე" გაიმართა, ლივერპულმა ტოტენჰემს ორი უპასუხო გოლი გაუტანა. მერსისაიდულმა კლუბმა ტურნირი (ჩემპიონთა ლიგა/ევროპის ჩემპიონთა თასი) მეექვსედ მოიგო და ამ მაჩვენებლით მის ისტორიაში მესამე გუნდი გახდა. ევროპის მთავარ საკლუბო ტურნირზე უფრო ხშირად მხოლოდ რეალსა (13) და მილანს (7) გაუმარჯვიათ.

კომენტარები

ბოლო ამბები