Thumbnail

UEFA | ფიგუ და ალბერტინი კობიაშვილის ხელმძღვანელობით იმუშავებენ

ლაშა წიკლაური პროფილის ფოტო
ლაშა წიკლაური
  • სფფ-ის პრეზიდენტი უეფას კომიტეტის ხელმძღვანელის პოსტს დაიკავებს
  • ვიცე-თავმჯდომარეები ჩებანუ, სავიჩევიჩი, ფიგუ და ალბერტინი იქნებიან

საქართველოს ფეხბურთის ფედერაციის პრეზიდენტი ლევან კობიაშვილი უეფას ფეხბურთის კომიტეტის თავმჯდომარე გახდა. ეს არის პირველი შემთხვევა, როდესაც საქართველოს წარმომადგენელი უეფას კომიტეტის ხელმძღვანელის პოსტს დაიკავებს.

აღნიშნული კომიტეტის თავმჯდომარის მოადგილე ბულგარეთის ფეხბურთის ფედერაციის პრეზიდენტი ბორისლავ მიხაილოვი იქნება. ფეხბურთის კომიტეტის ვიცე-თავმჯდომარეები იქნებიან: პაველ ჩებანუ (მოლდოვა), დეიან სავიჩევიჩი (მონტენეგრო), ლუიშ ფიგუ (პორტუგალია) და დემეტრიო ალბერტინი (იტალია).

ევროპული ფეხბურთის მმართველი ორგანო სულ 19 კომიტეტს და 6 ექსპერტთა საბჭოს აერთიანებს. სფფ-ს მიერ გავრცელებული ინფორმაციის თანახმად, საქართველოს პირველად ეყოლება 6 წარმომადგენელი:

ახალგაზრდული და სამოყვარული ფეხბურთის კომიტეტის ვიცე თავმჯდომარედ ფეხბურთის ფედერაციის გენერალური მდივანი დავით მუჯირი დაამტკიცეს.

უეფას განვითარებისა და ტექნიკური მხარდაჭერის კომიტეტი - კახა ჭუმბურიძე (ფეხბურთის ფედერაციის პირველი ვიცე-პრეზიდენტი).

უეფას ეროვნულ ნაკრებთა საშეჯიბრო კომიტეტი - ალექსანდრე იაშვილი (ფეხბურთის ფედერაციის ვიცე პრეზიდენტი).

მასობრივი ფეხბურთის ექსპერტთა საბჭო - ნიკოლოზ ჯღარკავა (ფეხბურის ფედერაციის ვიცე პრეზიდენტი).

უეფას მედია კომიტეტი - ოთარ გიორგაძე ( საქართველოს ეროვნული ნაკრების მედია ოფიცერი).

კომენტარები

ბოლო ამბები