საოცარი ფოტო - 'საცობი' ევერესტზე

• 200-ზე მეტმა მთამსვლელმა ევერესტი ერთ დღეში დალაშქრა
• 2 ალპინისტი დაიღუპა

ოთხშაბათს მსოფლიოს უმაღლესი მწვერვალ ევერესტის (ჯომოლუნგმა)ყველაზე უჩვეულო სიტუაციის მომსწრე გავხდით - "მსოფლიოს სახურავის" (ზღვის დონიდან 8 848 მეტრი) დალაშქვრა ერთბაშად 200-ზე მეტმა ალპინისტმა მოინდომა. შედეგად კი მივიღეთ მრავალსაათიანი საცობი ევერესტზე. 

მთამსვლელებს ერთ ადგილზე დიდხანს მოუხდათ გაჩერება, რაც ბევრად ზრდიდა მოყინვისა და სიმაღლის ავადმყოფობის რისკებს. ეს ფოტო ერთ-ერთი ალპინისტის გადაღებულია, რომელიც Nirmal Purjas Project-ში მონაწილეობს. 

ევერესტზე ერთი კვირაც აღარ რჩება "კარგი ამინდების", ამის შემდეგ კი მწვერვალზე ასვლა ძალზე გაძნელდება. ეს საცობიც ამის გამო მოხდა. 

სხვათა შორის, 2012 წელს ერთ დღეს 260-მა ალპინისტმა სცადა მწვერვალზე ასვლა. 

დღეს არც ტრაგედიის გარეშე ჩაუვლია, ორი ალპინისტი დაიღუპა (ამერიკელი და ინდოელი). მსოფლიოს 8 ათასიანებმა ამ სეზონში უკვე 13 ალპინისტის სიცოცხლე შეიწირეს.