Thumbnail

ხელბურთი | საქართველოს კლუბების ნაკრები ბაქოს ტურნირზე იასპარეზებს

ლაშა წიკლაური პროფილის ფოტო
ლაშა წიკლაური
  • ეროვნული ნაკრები მზადებას იწყებს ერთა ჩემპიონატისთვის
  • ტურნირი 8-16 ივნისს თბილისის სპორტის სასახლეში გაიმართება

საქართველოს ხელბურთის ეროვნული ნაკრები იწყებს მზადებას ხელბურთის საერთაშორისო ფედერაციის ერთა ჩემპიონატისთვის, რომელსაც თბილისის სპორტის სასახლე უმასპინძლებს 8-16 ივნისს და რომელიც ამავდროულად ევრო 2022-ის შესარჩევი ტურნირიცაა. მზადების პირველ ეტაპზე, ნაკრები პრეზიდენტ ჰეიდარ ალიევის ტურნირზე მიიღებს მონაწილებას, რომელიც ბაქოში 8-10 მაისს გაიმართება. 

კლუბების ნაკრები დაკომპლექტებულია საქართველოს ჩემპიონატში მოთამაშე ახალგაზრდა ხელბურთელებით, რომლებიც ეროვნული ნაკრების კანდიდატები არიან. პრეზიდენტ ალიევის თასზე 4 გუნდი თამაშობს: აზერბაიჯანის ორი ნაკრები, ერაყის ეროვნული გუნდი და საქართველოს კლუბების ნაკრები.

ნაკრებში 14 ხელბურთელია, რომლებიც წარმოადგენენ 6 ქართულ კლუბს. მაისის ბოლოს ნაკრებს შეუერთდებიან ევროპაში მოთამაშე ქართველი ხელბურთელები და გუნდი დაიწყებს მზადებას ერთა ჩემპიონატისთვის.

საქართველოს კლუბების ნაკრები 

ზურაბ ცინცაძე (1996, იმედი-სტუ თელავი), იური სილაგაძე (2001, წყალტუბო), დავით ყორიაული (1998, იმედი-სტუ თელავი), გიგა ზარნაძე (1999, პეგასი), ნიკოლოზ ძნელაძე (2001, სამტრედია), გიორგი ხელაძე (2000, წყალტუბო), გიგა ბაინაზიშვილი (1998, იმედი-სტუ თელავი), რატი გვაზავა (1998, პეგასი), ჯემალ იმნაძე (2001, ქუთაისი) ხაზეინ რუსტამოვი (1998, ქუთაისი), გიორგი ახალბედაშვილი (1997, გორი), გიორგი მერკვილაძე (1998, ქუთაისი), მიხეილ გველესიანი (2000, წყალტუბო), ერეკლე არსენაშვილი (1998).

კომენტარები

ბოლო ამბები