Thumbnail

საქართველოს ფუტსალის ნაკრები ორ ამხანაგურ შეხვედრას გამართავს

ლაშა წიკლაური პროფილის ფოტო
ლაშა წიკლაური
  • ავთანდილ ასათიანის გუნდი 16 და 17 აპრილს ლიეტუვას ნაკრებს დაუპირისპირდება
  • მატჩები თბილისის ოლიმპიურ სასახლეში გაიმართება და დასწრება უფასო იქნება

ფუტსალის მსოფლიო ჩემპიონატის შესარჩევი ტურნირის მეინ-რაუნდისთვის მზადების პროცესში საქართველოს ეროვნული ნაკრები 16 და 17 აპრილს, ლიეტუვას ეროვნული ნაკრების წინააღმდეგ ორ ამხანაგურ შეხვედრას გამართავს. ორივე მატჩი თბილისის ოლიმპიურ სასახლეში 18:00 საათზე გაიმართება და გულშემატკივარს მასზე დასწრება უფასოდ შეეძლება. მოახლოებული მატჩებისთვის ეროვნული ნაკრების მთავარმა მწვრთნელმა 16 ფეხბურთელი გამოიძახა. ამ ეტაპზე შეკრებაზე მყოფი ყველა მოთამაშე ჯანმრთელადაა და სრული დატვირთვით ემზადება. 

საქართველოს ფუტსალის ნაკრების შემადგენლობა:

მეკარეები: ზვიად კუპატაძე (ტტგ-იუგრა, რუსეთი), ალექსანდრე ჯამბურია (თელასი, თბილისი), თორნიკე დვალიშვილი (თელასი, თბილისი).

მცველები: შოთა თოფურია (თელასი, თბილისი), მალხაზ მურცხვალაძე (ტატიშვილი, თბილისი).

თავდამსხმელები: შალვა კაპანაძე (თსუ, თბილისი), გიორგი სილაგავა (ტატიშვილი, თბილისი), ვახტანგ ჯვარაშვილი (პარიზი, საფრანგეთი), კახა მაისაია (თელასი, თბილისი), ნიკოლოზ კურტანიძე (პსპ, თბილისი), არჩილ სეფისკვერაძე (ლიდსელმაში, ბელარუსი), ნიკოლოზ ზედელაშვილი (ლიდსელმაში, ბელარუსი), ნუკრი ჭუმბურიძე (თელასი, თბილისი), ირაკლი თოდუა (ლიდსელმაში, ბელარუსი), ვახტანგ კეკელია (ტატიშვილი, თბილისი), ჯანო გიორგაია (თელასი, თბილისი).

საქართველოს ფუტსალის ეროვნული ნაკრები მსოფლიო ჩემპიონატის შესარჩევი ტურნირის მეინ-რაუნდის შეხვედრებს მიმდინარე წლის 22-27 ოქტომბერს გამართავს. ავთანდილ ასათიანის გუნდთან ერთად ჯგუფში ესპანეთის, პოლონეთისა და ფინეთის ნაკრებები იქნებიან. შეხვედრებს პოლონეთი უმასპინძლებს, შემდეგ ეტაპზე თამაშის უფლებას კი ორი გუნდი მოიპოვებს.

 

კომენტარები

ბოლო ამბები