- გადამწყვეტ შეხვედრაში ქუთაისის მართვე ბსუ-ს უმასპინძლებს
- ნახევარფინალის საგზური უკვე მოიპოვეს TMC თბილისმა, თელასმა და თსუ-მ
ფუტსალის ლიგის რეგულარული ჩემპიონატის დასრულებამდე ერთი ტურით ადრე, თბილისი პლეიოფის საგზურისთვის ბრძოლას გამოეთიშა. მეცამეტე ტურის შეხვედრაში, ბსუ-მ თბილისი 6:4 დაამარცხა და ლიგის საუკეთესო ოთხეულში მოსახვედრად გადამწყვეტ შეხვედრას ქუთაისში 24 მარტს ადგილობრივი მართვეს წინააღმდეგ გამართავს.
მატჩი პირველივე წუთებიდან დაძაბული იყო. ბსუ-მ საწყის წუთებზე ორი სწრაფი გოლი გაიტანა. მალევე, თბილისმა წონასწორობა აღადგინა. შემდეგ, ბათუმლებმა სამბურთიანი უპირატესობა მოიპოვეს, თუმცა კიდევ ერთხელ აღდგა წონასწორობა, 4:4. უნივერსიტეტელების მეხუთე გოლი გარდამტეხი აღმოჩნდა, რის შემდეგაც თბილისმა ძალების მობილიზება ვეღარ შეძლო, 4:6.
თბილისის ოლიმპიურ სასახლეში ივერია 2017 TMC თბილისს დაუპირისპირდა. შეხვედრა მედიკოსების გამარჯვებით 12:0 დასრულდა. გამარჯვებული გუნდის რიგებიდან სამ-სამი გოლი გიორგი სილაგავამ და ბორის ესებუამ გაიტანეს.
რეგულარული სეზონის ბოლო ტურის გადამწყვეტი შეხვედრა ქუთაისის სპორტის სასახლეში 24 მარტს გაიმართება და 15:00 საათზე დაიწყება. ნახევარფინალის საგზურისთვის ბსუ ქუთაისის მართვეს დაუპირისპირდება. სტუმრებს მხოლოდ გამარჯვება სჭირდებათ, მასპინძლებისთვის კი ფრეც საკმარისია. ნახევარფინალის საგზური უკვე მოიპოვეს TMC თბილისმა, თელასმა და თსუ-მ.
კომენტარები