- ბაიერნის ირანელმა ფანებმა აუგსბურგთან მატჩი ვერ ნახეს
- ტელევიზიამ შეხვედრა პროგრამიდან ამოიღო
ისევე, როგორც მთელ მსოფლიოში, მიუნხენის ბაიერნს ირანშიც ძალიან ბევრი ფანი ჰყავს, მაგრამ რეკორდმაისტერის ირანელ ქომაგებს ამჯერად არ გაუმართლათ - პარასკევს გამართული ბუნდესლიგის მატჩი, რომელშიც მიუნხენურმა გრანდმა აუგსბურგი 3:2 დაამარცხა, ირანულმა ტელევიზიამ პროგრამიდან ამოიღო!
მიზეზი გაინტერესებთ? მატჩის არბიტრი ქალი იყო - 39 წლის ბიბიანა შტაინჰაუსი. როგორც გაირკვა, ირანულმა ტელევიზიამ (IRIB) მატჩი სწორედ ამის გამო არ აჩვენა.
როგორც იცით, მკაცრი ისლამური კანონების გამო, ირანის ტელევიზიაში მსუბუქად ჩაცმული ქალების ჩვენება აკრძალულია - მსუბუქად ჩაცმაში კი მოკლე სპორტული შარვალიც იგულისხმება. ირანელი ფანების დიდი ნაწილი ამას აპროტესტებს, მაგრამ არაფერი იცვლება.
კომენტარები