- ვაჟა მარგველაშვილი პარიზის გრანდ სლემის ფინალში დამარცხდა
- ლაშა შავდათუაშვილმა ბრინჯაო უბრძოლველად მოიგო
ქართველმა ძიუდოისტებმა პარიზის გრანდ სლემის პირველ დღეს 3 მედალი მოიგეს. თეიმურაზ ნოზაძის ბრინჯაოს მედლის შემდეგ, საქართველოს მედლების რაოდენობას კიდევ ორი მედალი მიემატა.
ვაჟა მარგველაშვილმა (66კგ) ფინალში მოლდოველ დენის ვიერუსთან იპონით წააგო. ქართველმა ძიუდოისტმა წელი პარიზის გრანდ სლემის ვიცე-ჩემპიონობით დაიწყო.
ლაშა შავდათუაშვილმა ბრინჯაოს მედალი უბრძოლველად მოიგო. მას აზერბაიჯანელი მეტოქე ჰიდაიატ ჰეიდაროვი არ გამოუცხადდა. პარიზის გრანდ სლემის მეორე დღეს ტატამზე კიდევ 5 ქართველი იასპარეზებს: კობა მჭედლიშვილი (81კგ), ვარლამ ლიპარტელიანი (100კგ), ლაშა ტაველური (100კგ), ონისე ბუღაძე (+100 კგ), გიორგი ზაქარიაძე (+100 კგ).
კომენტარები